APÈNDIKS A
E Bèrdatnan Ku Nos Ke Siña Hende
Hende sinsero lo aseptá un bèrdat bíbliko ora nan tend’é, manera Hesus a indiká. (Huan 10:4, 27) Pues, ora nos ta papia ku hende, nos ke kompartí e bèrdatnan básiko di Beibel ku nan. Kon nos por introdusí un bèrdat di Beibel? Nos por puntra: “Bo tabata sa ku . . . ?” òf “Bo a yega di tende ku . . . ?” Despues, usa e teksto(nan) di Beibel menshoná pa splika e bèrdat ku bo ta tratando. Ora nos hasi esfuerso pa kompartí un bèrdat bíbliko simpel ku un persona, nos lo ta plantando un simia den su kurason, i Dios por laga e simia ei krese!—1 Kor. 3:6, 7.
FUTURO
-
1. E kosnan ku ta sosodé awendia i aktitut di hende ta mustra ku e situashon di mundu lo kambia pronto.—Mat. 24:3, 7, 8; Luk. 21:10, 11; 2 Tim. 3:1-5.
-
2. Nunka tera lo ser destruí.—Sal. 104:5; Ekl. 1:4.
-
3. Lo no tin polushon ni mal tempu severo mas; tera lo bira un paradeis.—Isa. 35:1, 2; Rev. 11:18.
-
4. Tur hende lo tin salú perfekto.—Isa. 33:24; 35:5, 6.
-
5. Bo por biba pa semper riba tera.—Sal. 37:29; Mat. 5:5.
FAMIA
-
6. Un esposo mester “stima su esposa manera e ta stima su mes.”—Efe. 5:33; Kol. 3:19.
-
7. Un esposa mester tin rèspèt profundo pa su esposo.—Efe. 5:33; Kol. 3:18.
-
8. Esposo i esposa mester ta fiel na otro.—Mal. 2:16; Mat. 19:4-6, 9; Heb. 13:4.
-
9. Yu ku ta respetá i obedesé su mayornan lo tin éksito.—Pro. 1:8, 9; Efe. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
DIOS
-
10. Dios tin un nòmber.—Sal. 83:18; Yer. 10:10.
-
11. Dios ta komuniká ku nos.—2 Tim. 3:16, 17; 2 Ped. 1:20, 21.
-
12. Dios ta un Persona hustu.—Deu. 10:17; Echo. 10:34, 35.
-
13. Dios ke yuda nos.—Sal. 46:1; 145:18, 19.
ORASHON
-
14. Dios ke pa nos hasi orashon na dje.—Sal. 62:8; 65:2; 1 Ped. 5:7.
-
15. Beibel ta siña nos kon pa hasi orashon.—Mat. 6:7-13; Luk. 11:1-4.
-
16. Nos mester hasi orashon regularmente.—Mat. 7:7, 8; 1 Tes. 5:17.
HESUS
-
17. Hesus tabata un gran maestro i su konsehonan semper ta práktiko.—Mat. 6:14, 15, 34; 7:12.
-
18. Hesus a bisa di antemano loke lo pasa den nos tempu.—Mat. 24:3, 7, 8, 14; Luk. 21:10, 11.
-
19. Hesus ta yu di Dios.—Mat. 16:16; Huan 3:16; 1 Huan 4:15.
-
20. Hesus no ta Dios Todopoderoso.—Huan 14:28; 1 Kor. 11:3.
Based on NASA/Visible Earth imagery
E REINO DI DIOS
-
21. E Reino di Dios ta un gobièrnu real den shelu.—Dan. 2:44; Mat. 6:9, 10; 7:13, 14; Rev. 11:15.
-
22. E Reino di Dios lo remplasá e gobièrnunan humano.—Sal. 2:7-9; Dan. 2:44.
-
23. Ta e Reino di Dios so por solushoná e problemanan di humanidat.—Sal. 37:10, 11; 46:9; Isa. 65:21-23.
SUFRIMENTU
-
24. No ta Dios ta kousa nos sufrimentu.—Deu. 32:4; Sant. 1:13.
-
25. Satanas ta goberná e mundu akí.—Luk. 4:5, 6; 1 Huan 5:19.
-
26. Dios sa ku bo ta sufri, i e ke yuda bo.—Sal. 34:17-19; Isa. 41:10, 13.
-
27. Pronto Dios lo kaba ku sufrimentu.—Isa. 65:17; Rev. 21:3, 4.
MORTO
-
28. E mortonan no ta konsiente di apsolutamente nada; hende morto no ta sufri.—Ekl. 9:5; Huan 11:11-14.
-
29. E mortonan no por yuda nos ni hasi nos daño.—Sal. 146:4; Ekl. 9:6, 10.
-
30. Nos sernan kerí ku a muri lo ser resusitá.—Yòb 14:13-15; Huan 5:28, 29; Echo. 24:15.
-
31. “Lo no tin morto mas.”—Rev. 21:3, 4; Isa. 25:8.
RELIGION
-
32. No ta tur religion ta agradá Dios.—Yer. 7:11; Mat. 7:13, 14, 21-23.
-
33. Dios ta odia hipokresia.—Isa. 29:13; Mik. 3:11; Mar. 7:6-8.
-
34. Amor sinsero ta duna prueba ku un persona ta forma parti di e religion berdadero.—Mik. 4:3; Huan 13:34, 35.