Ri Jesús xubʼij che xaq xiw ri e winaq che kʼo utz kanimaʼ kekunik kkichʼobʼ ri qastzij (Juan 10:4, 27). Rumal laʼ kqaj kqakʼut ri qastzij chke konojel ri winaq rukʼ tzij che kʼax ta uchʼobʼik. Utz kqamaj ri tzijonem rukʼ ri e tzij riʼ «¿La awetaʼm che…?» o «¿La kʼo jumul atom che…?» tekʼuriʼ kqakʼut chuwach ri kubʼij ri Biblia rukʼ jun texto che kchʼaw chrij ri tajin kqabʼij che. Utzijoxik ri utzij ri Dios chke ri e winaq rukʼ tzij che kʼax ta uchʼobʼik kajunamataj rukʼ utikik jun ijaʼ. Rumal che ri Dios kubʼano che ri ijaʼ riʼ kkʼiyik (1 Cor. 3:6, 7).

•  Ri kkʼulmataj na

•  Ri familia

•  Ri Dios

•  Ri chʼawem

•  Ri Jesús

•  Ri Uqʼatbʼal tzij ri Dios

•  Ri kʼaxkʼolil

•  Ri kamikal

•  Ri kojonem

 RI KKʼULMATAJ NA

1. 1. Ri tajin kkʼulmataj pa ri uwach Ulew y ri ubʼantajik ri kikʼaslemal ri e winaq kukʼutu che naj ta chi kraj kkʼextaj na ri e jastaq (Mat. 24:3, 7, 8; Luc. 21:10, 11; 2 Tim. 3:1-5).

2. 2. Ri uwach Ulew ksachisax ta uwach (Sal. 104:5; Ecl. 1:4).

3. 3. Ksukʼumax na ri kʼax che uriqom ri uwach Ulew (Is. 35:1, 2; Apoc. 11:18).

4. 4. Qonojel kojyawaj ta chik (Is. 33:24; 35:5, 6).

5. 5. At katkunik kariq jun utzalaj kʼaslemal pa ri uwach Ulew (Sal. 37:29; Mat. 5:5).

 RI FAMILIA

1. 6. Ri achajil rajawaxik kuloqʼoqʼej ri rixoqil «jas ri uloqʼoqʼexik» ribʼ kubʼano (Efes. 5:33; Col. 3:19).

2. 7. Ri ixoqil rajawaxik nim kril wi ri rachajil (Efes. 5:33; Col. 3:18).

3. 8. Ri achajil y ri ixoqil rajawaxik che e sukʼ chbʼil kibʼ (Mal. 2:16; Mat. 19:4-6, 9; Heb. 13:4).

4. 9. Ri alkʼwalaxelabʼ che nim kekil ri kitat kinan y keniman chke utz keʼel pa ri kikʼaslemal (Prov. 1:8, 9; Efes. 6:1-3).

 RI DIOS

1. 10. Ri Dios kʼo ubʼiʼ (Sal. 83:18; Jer. 10:10).

2. 11. Ri Dios kʼo utz taq tzij che kraj kubʼij chqe (2 Tim. 3:16, 17; 2 Ped. 1:20, 21).

3. 12. Sukʼ ri Dios y xa ta keʼuchaʼ ri winaq che keraj (Deut. 10:17; Hech. 10:34, 35).

4. 13. Ri Dios kraj kojutoʼo (Sal. 46:1; 145:18, 19).

  RI CHʼAWEM

1. 14. Ri Dios kraj che kqabʼan qachʼawem che (Sal. 62:8; 65:2; 1 Ped. 5:7).

2. 15. Ri Biblia kukʼut chqawach ri kqabʼan che ubʼanik ri qachʼawem (Mat. 6:7-13; Luc. 11:1-4).

3. 16. Rajawaxik che amaqʼel kqabʼan qachʼawem che ri Dios (Mat. 7:7, 8; 1 Tes. 5:17).

 RI JESÚS

1. 17. Ri Jesús jun utzalaj ajtij y ri xubʼij kanoq amaqʼel kʼo upatan (Mat. 6:14, 15, 34; 7:12).

2. 18. Ri Jesús xuya kan ubʼixik chrij ri jastaq che kqil kimik (Mat. 24:3, 7, 8, 14; Luc. 21:10, 11).

3. 19. Ri Jesús are Ukʼojol ri Dios (Mat. 16:16; Juan 3:16; 1 Juan 4:15).

4. 20. Ri Jesús are ta Dios (Juan 14:28; 1 Cor. 11:3).

 RI UQʼATBʼAL TZIJ RI DIOS

1. 21. Pa ri kaj kʼo wi ri Uqʼatbʼal tzij ri Dios (Dan. 2:44; 7:13, 14; Mat. 6:9, 10; Apoc. 11:15).

2. 22. Ri Uqʼatbʼal tzij ri Dios keresaj na ri e qʼatal taq tzij re ri uwach Ulew (Sal. 2:7-9; Dan. 2:44).

3. 23. Xaq xiw ri Uqʼatbʼal tzij ri Dios kkunik kusukʼumaj ri kʼaxkʼolil che kʼo pa ri uwach Ulew (Sal. 37:10, 11; 46:9; Is. 65:21-23).

 RI KʼAXKʼOLIL

1. 24. Are ta ri Dios ajmak che ri kʼaxkʼolil che kʼo kimik (Deut. 32:4; Sant. 1:13).

2. 25. Kimik pa uqʼabʼ ri Satanás kʼo wi ri uwach Ulew (Luc. 4:5, 6; 1 Juan 5:19).

3. 26. Ri Dios kril ri kʼax tajin kariqo y kraj katutoʼo (Sal. 34:17-19; Is. 41:10, 13).

4. 27. Naj ta chi kraj ri Dios kresaj ri kʼaxkʼolil (Is. 65:17; Apoc. 21:3, 4).

 RI KAMIKAL

1. 28. Ri e kaminaqibʼ kʼo ta chi kkichomaj y kʼo ta kʼax tajin kkiriqo (Ecl. 9:5; Juan 11:11-14).

2. 29. Ri e kaminaqibʼ kekun taj kojkitoʼ y kʼo ta kʼax kkibʼan chqe (Sal. 146:4; Ecl. 9:6, 10).

3. 30. Ri e qafamilares che e kaminaq chik kekʼastaj na loq (Job 14:13-15; Juan 5:28, 29; Hech. 24:15).

4. 31. «Man kʼo ta chi kamikal» (Apoc. 21:3, 4; Is. 25:8).

 RI KOJONEM

1. 32. Konojel ta ri e kojonem utz kril ri Dios (Jer. 7:11; Mat. 7:13, 14, 21-23).

2. 33. Ri Dios utz ta krilo che kʼo ta sukʼilal (Is. 29:13; Miq. 3:11; Mar. 7:6-8).

3. 34. Are ri loqʼoqʼebʼal kkʼutuw ri qastzij kojonem (Miq. 4:3; Juan 13:34, 35).