Jesusmi nirqan alli shonquyoq nunakunaqa, rasumpa kaqta pikuna yachatsikuyanqanta musyayänampaq kaqta (Juan 10:4, 27). Tsëmi llapan nunakunata Bibliapita parlapëta munantsik. Pëkunata parlapar qallarqa, “¿Musyarqëkiku…?” o “¿Imëllapis wiyarqunkiku…?” nirirmi Bibliachö willakunqanta nirishwan. Tsëpitanam juk textuta leyiparnin tsë asuntupita masllata yacharatsishwan. Nunakunata Bibliapita yachatsinqantsikqa, shonqunkunachö muruta muruykaqnömi. Teyta Dios permitiptinqa, ¡tsë muruqa winarmi sïguinqa! (1 Cor. 3:6, 7).

•  Shamoq tiempupaq

•  Familiapaq

•  Diospaq

•  Diosman mañakuypaq

•  Jesuspaq

•  Diospa Gobiernumpaq

•  Sufrimientupaq

•  Wanushqakunapaq

•  Religion asuntupaq

 SHAMOQ TIEMPUPAQ

1. 1. Imëka mana allikuna pasëkanqan y nunakuna imanö portakuyanqanmi rikätsikun ichikllachöna imëkapis alliyänampaq kaqta (Mat. 24:3, 7, 8; Lüc. 21:10, 11; 2 Tim. 3:1-5).

2. 2. Patsaqa manam imëpis ushakanqatsu (Sal. 104:5; Ecl. 1:4).

3. 3. Manam alläpaqa achachanqanatsu ni alalanqanatsu; entëru Patsam shumaqna kanqa (Is. 35:1, 2; Apoc. 11:18).

4. 4. Shamoq tiempuchöqa llapantsikmi alli saloryoq kashun (Is. 33:24; 35:5, 6).

5. 5. Manana wanurmi imëyaqpis kawakuyta puëdishun (Sal. 37:29; Mat. 5:5).

 FAMILIAPAQ

1. 6. Casädu ollqukunaqa ‘kikinkunatanömi’ warminkunata kuyayänan (Efes. 5:33; Col. 3:19).

2. 7. Casäda warmikunaqa qowankunatam o runankunatam respetayänan (Efes. 5:33; Col. 3:18).

3. 8. Casädukunaqa manam engañanakuyänantsu (Mal. 2:16; Mat. 19:4-6, 9; Heb. 13:4).

4. 9. Wamrakuna papäninkunata respetayaptin y cäsukuyaptinqa, imata rurayanqampis allim yarqunqa (Prov. 1:8, 9; Efes. 6:1-3).

 DIOSPAQ

1. 10. Diospaqa jutin kanmi (Sal. 83:18; Jer. 10:10).

2. 11. Diosqa alläpa allitam willamënintsikta munan (2 Tim. 3:16, 17; 2 Pëd. 1:20, 21).

3. 12. Diosqa alli kaqtam ruran y llapan nunakunatam igualpa rikan (Deut. 10:17; Hëch. 10:34, 35).

4. 13. Diosqa yanapamënintsiktam munan (Sal. 46:1; 145:18, 19).

  DIOSMAN MAÑAKUNAPAQ

1. 14. Diosqa pëman mañakunantsiktam munan (Sal. 62:8; 65:2; 1 Pëd. 5:7).

2. 15. Bibliachömi willakun imanö mañakunapaq kaqta (Mat. 6:7-13; Lüc. 11:1-4).

3. 16. Diosmanmi imëpis mañakunantsik (Mat. 7:7, 8; 1 Tes. 5:17).

 JESUSPAQ

1. 17. Jesusqa alli yachatsikoqmi karqan y consejakunqanqa imëpis yanapakunmi (Mat. 6:14, 15, 34; 7:12).

2. 18. Kanan rikanqantsikkuna pasanampaq kaqtam Jesusqa unëna willakushqa karqan (Mat. 24:3, 7, 8, 14; Lüc. 21:10, 11).

3. 19. Jesusqa Diospa Tsurinmi (Mat. 16:16; Juan 3:16; 1 Juan 4:15).

4. 20. Jesusqa manam Diostsu (Juan 14:28; 1 Cor. 11:3).

 DIOSPA GOBIERNUMPAQ

1. 21. Diospa Gobiernuntaqa kikin Diosmi patsätsishqa y ciëlupitam gobernamunqa (Dan. 2:44; 7:13, 14; Mat. 6:9, 10; Apoc. 11:15).

2. 22. Diospa Gobiernunqa llapan gobiernukunatam ushakätsinqa (Sal. 2:7-9; Dan. 2:44).

3. 23. Nunakunapa problëmankunataqa Diospa Gobiernunllam ushakätsinqa (Sal. 37:10, 11; 46:9; Is. 65:21-23).

 SUFRIMIENTUPAQ

1. 24. Manam Diospa culpantsu sufrintsik (Deut. 32:4; Sant. 1:13).

2. 25. Kë munduqa Diablupa poderninchömi këkan (Lüc. 4:5, 6; 1 Juan 5:19).

3. 26. Diosqa sufrinqëkita rikanmi y yanapashuynikitam munan (Sal. 34:17-19; Is. 41:10, 13).

4. 27. Diosqa ichikllachönam llapan sufritsimanqantsikta ushakätsinqa (Is. 65:17; Apoc. 21:3, 4).

 WANUSHQAKUNAPAQ

1. 28. Wanushqakunaqa manam imatapis musyayannatsu y manam sufrikäyantsu (Ecl. 9:5; Juan 11:11-14).

2. 29. Wanushqakunaqa manam yanapamënintsikta ni mana allita ruramënintsikta puëdiyantsu (Sal. 146:4; Ecl. 9:6, 10).

3. 30. Wanushqa familiantsikkunam kawariyämunqa (Job 14:13-15; Juan 5:28, 29; Hëch. 24:15).

4. 31. “Nunakunaqa manam wanuyanqanatsu” (Apoc. 21:3, 4; Is. 25:8).

 RELIGION ASUNTUPAQ

1. 32. Manam llapan religionkunatsu Diospa rikëninchö alli këkäyan (Jer. 7:11; Mat. 7:13, 14, 21-23).

2. 33. Janan shonqulla adoraq tukoqkunataqa Dios chikinmi (Is. 29:13; Miq. 3:11; Mar. 7:6-8).

3. 34. Alli kaq religionchö kaqkunaqa kuyanakuyanmi (Miq. 4:3; Juan 13:34, 35).