AU MANAKO KE 1
Akaperepere Tatou i te Apii i te Tuatua Mou
Karanga a Iesu e ka kite te aronga ngakau tae i te tuatua mou me akarongo ratou i te reira. (Ioa. 10:4, 27) No reira me tuatua tatou ki te tangata, ka inangaro tatou i te akakite i te au apiianga māmā ua o te Pipiria. Penei, e akakite i te reira na te uianga: “Kua kite ainei koe e . . . ?” me kore “Kua akarongo ainei koe e . . . ?” E oti taangaanga i te au irava ei akamārama i te reira. Na te akaari anga i tetai apiianga Pipiria māmā ua, te tatanu ra koe i te ua ki roto i te ngakau o te tangata, e na te Atua e akatupu i te reira!—1 Kori. 3:6, 7.
TE TUATAU KI MUA
-
1. Te au apinga e tupu nei e te tu o te tangata te akaari maira e kare e roa ka taui te au mea.—Mata. 24:3, 7, 8; Luka 21:10, 11; 2 Timo. 3:1-5.
-
2. Kare rava te enua e takoreia.—Sala. 104:5; Kohe. 1:4.
-
3. Kare te enua e takinoia akaou e ka riro mai ei parataito.—Isa. 35:1, 2; Apo. 11:18.
-
4. Ka rauka i te katoatoa te oraanga meitaki.—Isa. 33:24; 35:5, 6.
-
5. Ka rauka ia koe te ora mutukore i te enua nei.—Sala. 37:29; Mata. 5:5.
NGUTUARE TANGATA
-
6. Ka anoanoia te tane kia aroa i tana “vaine mei te aroa iaia uaorai.”—Ephe. 5:33; Kolo. 3:19.
-
7. Ka anoanoia te vaine kia akangateitei i tana tane.—Ephe. 5:33; Kolo. 3:18.
-
8. Ka anoanoia te tane e te vaine kia vai tiratiratu kia raua roa ai.—Mala. 2:16; Mata. 19:4-6, 9; Ebe. 13:4.
-
9. Me akangateitei e me kauraro te tamariki i to ratou metua ka puapingaia ratou.—Mase. 1:8, 9; Ephe. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
TE ATUA
-
10. Ingoa to te Atua.—Sala. 83:18; Iere. 10:10.
-
11. Tuatua mai ana te Atua kia tatou.—2 Timo. 3:16, 17; 2 Pete. 1:20, 21.
-
12. Tu tika to te Atua e te papakitai kore.—Deu. 10:17; Anga. 10:34, 35.
-
13. Ka inangaro te Atua i te tauturu ia tatou.—Sala. 46:1; 145:18, 19.
PURE
-
14. Te inangaro ra te Atua kia pure tatou kiaia.—Sala. 62:8; 65:2; 1 Pete. 5:7.
-
15. Te apii ra te Pipiria akapeea tatou me pure.—Mata. 6:7-13; Luka 11:1-4.
-
16. Ka anoanoia tatou kia pure putuputu.—Mata. 7:7, 8; 1 Tesa. 5:17.
IESU
-
17. Ko Iesu te puapii maata e ka puapingaia tatou mei tana au tuatua.—Mata. 6:14, 15, 34; 7:12.
-
18. Kua totou a Iesu i te au mea ta tatou e kite nei.—Mata. 24:3, 7, 8, 14; Luka 21:10, 11.
-
19. Ko Iesu te Tamaiti a te Atua.—Mata. 16:16; Ioa. 3:16; 1 Ioa. 4:15.
-
20. Kare ko Iesu te Atua Mana Katoatoa.—Ioa. 14:28; 1 Kori. 11:3.
Based on NASA/Visible Earth imagery
PATIREIA O TE ATUA
-
21. Kavamani tika tikai te Patireia o te Atua i te rangi.—Dani. 2:44; 7:13, 14; Mata. 6:9, 10; Apo. 11:15.
-
22. Ka mono te Patireia o te Atua i te kavamani a te tangata.—Sala. 2:7-9; Dani. 2:44.
-
23. Ko te Patireia o te Atua anake te rapakau anga ki te au manamanata o te tangata.—Sala. 37:10, 11; 46:9; Isa. 65:21-23.
MAMAE
-
24. Kare te Atua e akatupu ana i to tatou mamae.—Deu. 32:4; Iako. 1:13.
-
25. Te tutara ra a Satani i teianei ao.—Luka 4:5, 6; 1 Ioa. 5:19.
-
26. Te kite maira te Atua i toou mamae e ka inangaro aia i te tauturu ia koe.—Sala. 34:17-19; Isa. 41:10, 13.
-
27. Ka akaope te Atua i te au mamae.—Isa. 65:17; Apo. 21:3, 4.
MATE
-
28. Kare a te aronga mate apinga i kite e kare ratou e mamae.—Kohe. 9:5; Ioa. 11:11-14.
-
29. Kare te aronga mate e rauka i te tauturu e te takino ia tatou.—Sala. 146:4; Kohe. 9:6, 10.
-
30. Ka akatuakaouia to tatou au akaperepere mei te mate.—Iobu 14:13-15; Ioa. 5:28, 29; Anga. 24:15.
-
31. Ka “kore rava te mate.”—Isa. 25:8; Apo. 21:3, 4.
AKONOANGA
-
32. Kare ko te au akonoanga pouroa te akamareka ra i te Atua.—Iere. 7:11; Mata. 7:13, 14, 21-23.
-
33. Te rikarika ra te Atua i te au tu pikikaa.—Isa. 29:13; Mika 3:11; Mare. 7:6-8.
-
34. Na te aroa mou e akataka i te akonoanga tika.—Mika 4:3; Ioa. 13:34, 35.