O Isus phendea că le manușa le ileia lașio jianen savo si o ciacimos cana așunen-les. (Ioan 10:4, 27) Cadea că, de fiesavi data cana das duma le manușența, camas te phenas lenghe ciacimata ușoro hachiarimasco andai Biblia. De chi zor te sicaves iech ciacimos biblico hai phen: „Jianglean că . . . ?” sau „Așundean vroiechdata că . . . ?” Pala codoia folosisar iech verseto sau mai but caște explichis codo ciacimos. Cana des duma anda iech harno ciacimos biblico daștis te șios iech sămânța ando ilo le manușesco, hai o Del va cherela-la te bariol. (1 Cor. 3:6, 7)

•  Viitorii

•  Familia

•  Del

•  Manglimos

•  Isus

•  Regato le Devlesco

•  Pharimata

•  Merimos

•  Religia

 VIITORII

1. 1. Le buchia cai si aghies andi lumea hai o phiraimos le manușengo sicaven că na pa but timpo va avela iech paruimos. (Mat. 24:3, 7, 8; Luca 21:10, 11; 2 Tim. 3:1-5)

2. 2. I phuv ci va avela distrugime niciechdata. (Ps. 104:5; Ecl. 1:4)

3. 3. I phuv va avela uji hai ci va mai avela poluarea sau bare dezastrea naturalo. (Is. 35:1, 2; Rev. 11:18)

4. 4. Sea le manușa va avena sasteveste. (Is. 33:24; 35:5, 6)

5. 5. Daștis te trais anda sea o timpo pi phuv. (Ps. 37:29; Mat. 5:5)

 FAMILIA

1. 6. O rrom trebul „te iubil pesca rromnia sar pes”. (Ef. 5:33; Col. 3:19)

2. 7. La rromnia trebul te avel-la iech baro respecto anda laco rrom. (Ef. 5:33; Col. 3:18)

3. 8. O rrom hai i rromni trebun te aven loialo iech averesche. (Mal. 2:16; Mat. 19:4-6, 9; Evr. 13:4)

4. 9. Le șiavorre trebun te sicaven pachiv penghe dadenghe hai te așunen lendar, dacă camen te jial lenghe mișto. (Prov. 1:8, 9; Ef. 6:1-3)

 DEL

1. 10. Le Devles siles iech anav. (Ps. 83:18; Ier. 10:10)

2. 11. O Del del duma amența. (2 Tim. 3:16, 17; 2 Pet. 1:20, 21)

3. 12. O Del silo orta hai ci cherel diferențea mașcara le manușa. (Deut. 10:17; Fap. 10:34, 35)

4. 13. O Del camel te ajutil-ame. (Ps. 46:1; 145:18, 19)

  MANGLIMOS

1. 14. O Del camel te mangas-ame lesche. (Ps. 62:8; 65:2; 1 Pet. 5:7)

2. 15. I Biblia sicavel amen sar te mangas-ame. (Mat. 6:7-13; Luca 11:1-4)

3. 16. Trebul te mangas-ame mai butivar. (Mat. 7:7, 8; 1 Tes. 5:17)

 ISUS

1. 17. O Isus sas iech baro sicaitorii, hai lesche sfaturi sas-le sea o timpo lașe. (Mat. 6:14, 15, 34; 7:12)

2. 18. O Isus phendea de mai anglal so va avela ande amare ghiesa. (Mat. 24:3, 7, 8, 14; Luca 21:10, 11)

3. 19. O Isus si o Șiav le Devlesco. (Mat. 16:16; Ioan 3:16; 1 Ioan 4:15)

4. 20. O Isus na-i o Del o Mai Zuralo. (Ioan 14:28; 1 Cor. 11:3)

 REGATO LE DEVLESCO

1. 21. O Regato le Devlesco si iech guverno cerisco ciacio. (Dan. 2:44; 7:13, 14; Mat. 6:9, 10; Rev. 11:15)

2. 22. O Regato le Devlesco va paruvela sea le guvernea le manușenghe. (Ps. 2:7-9; Dan. 2:44)

3. 23. O Regato le Devlesco si o corcoro cai daștil te lașiarel le pharimata le manușenghe. (Ps. 37:10, 11; 46:9; Is. 65:21-23)

 PHARIMATA

1. 24. Na o Del si codo cai anel pharimata pe amende. (Deut. 32:4; Iac. 1:13)

2. 25. O Satan rail ande cadai lumea. (Luca 4:5, 6; 1 Ioan 5:19)

3. 26. Le Devles duchal-les amendar hai silo pașa amende cana dichel că nachas prin pharimata. (Ps. 34:17-19; Is. 41:10, 13)

4. 27. Na pa but timpo, o Del va chosela sea le pharimata cai duchaven-ame. (Is. 65:17; Rev. 21:3, 4)

 MERIMOS

1. 28. Le mule ci jianen chanci; von ci sile duchade. (Ecl. 9:5; Ioan 11:11-14)

2. 29. Le mule ci daștin te cheren amenghe nici miștimos, nici nasulimos. (Ps. 146:4; Ecl. 9:6, 10)

3. 30. Codola drago amenghe cai mule va avena uștiade pale viațate. (Iov 14:13-15; Ioan 5:28, 29; Fap. 24:15)

4. 31. „O merimos ci va mai avela.” (Rev. 21:3, 4; Is. 25:8)

 RELIGIA

1. 32. Na sea le religii sile lașe andel iacha le Devlesche. (Ier. 7:11; Mat. 7:13, 14, 21-23)

2. 33. O Del urâl codolen cai phenen iech buchi tha cheren aver. (Is. 29:13; Mica 3:11; Mar. 7:6-8)

3. 34. I ciaci iubirea sicavel savi si i ciaci religia. (Mica 4:3; Ioan 13:34, 35)