Yesu waalandile nangue bantu baalia bali ni mitima ipalile, bakaba kwinika kisinka, kine baunvua kyalandua. (Yoan. 10:4, 27) Pakaako, musita onse utuli twalanziana ni bantu, tuli twatona kubabuilako bisinka bileengele bili mu Bibilia. Pa kutendeka kumubuila muntu kisinka, kunti wamwipuzia eevi: “Eba, wakiba wamanine nangue . . . ?” ao “Eba, waaunvuilepo kale nangue . . . ?” Kisia, bombia lileembo ao maleembo alondoluele keekio kisinka. Kinesie twamubuilako muntu kisinka kileengele kili mu Bibilia, kunti twabyala mbezu mu mutima wa muntu, ni Leeza kunti waikuzia!—1 Bakor. 3:6, 7.

•  Musita uli mukuiza

•  Lupua

•  Leeza

•  Kupepa

•  Yesu

•  Bukolo Bwakue Leeza

•  Kwema

•  Lufu

•  Diini

 MUSITA ULI MUKUIZA

1. 1. Bintu bituli mukumona byakitika pamo ni mibeele ili na bantu, byalangilila nangue leenusie bintu byakaba kwaluluka.—Mat. 24:3, 7, 8; Luk. 21:10, 11; 2 Tim. 3:1-5.

2. 2. Kyalo tekikaba kwinoonua ata kaniini.—Malum. 104:5; Kas. 1:4.

3. 3. Lyuza likata saana telikabako ni kyalo kyakaba kwaluka paradiso.—Is. 35:1, 2; Nfy. 11:18.

4. 4. Kila muntu wakaba ni bukose bupuililikile.—Is. 33:24; 35:5, 6.

5. 5. Weewe, kunti waikala loonse pa kyalo.—Malum. 37:29; Mat. 5:5.

 LUPUA

1. 6. Mulume apalile ‘kumutona mukazi wakue nga viaitonene ye mwine.’—Baef. 5:33; Bakol. 3:19.

2. 7. Mukazi apalile kumukindika saana mulume wakue.—Baef. 5:33; Bakol. 3:18.

3. 8. Ba mulume ni mukazi bapalile kuya bali ba kisinka kila muntu ku mwinakue.—Mal. 2:16; Mat. 19:4-6, 9; Baeb. 13:4.

4. 9. Baanike baalia bali bakindika ni kubanakila baviazi babo, bintu byakaba kubaila buino.—Tus Maf. 1:8, 9; Baef. 6:1-3.

 LEEZA

1. 10. Leeza ali ni liina.—Malum. 83:18; Yer. 10:10.

2. 11. Leeza ali watulanzia.—2 Tim. 3:​16, 17; 2 Pet. 1:20, 21.

3. 12. Leeza tali na kapatulula.—Mal Miz. 10:17; Miil Bat 10:34, 35.

4. 13. Leeza atonene kutukwasia.—Malum. 46:1; 145:18, 19.

  KUPEPA

1. 14. Leeza atonene tupepe kuli weene.—Malum. 62:8; 65:2; 1 Pet. 5:7.

2. 15. Bibilia ili yatusambilizia vya kupepa.—Mat. 6:7-13; Luk. 11:1-4.

3. 16. Tupalile kupepa lyonse.—Mat. 7:7, 8; 1 Bat. 5:17.

 YESU

1. 17. Yesu abanga waali mwalimu mukulu, kabili masoke akue ali atukwasia kila busiku.—Mat. 6:14, 15, 34; 7:12.

2. 18. Yesu waalandile ntaanzi bintu bituli mukumona enu nsiku.—Mat. 24:3, 7, 8, 14; Luk. 21:10, 11.

3. 19. Yesu ni Muana mwina Leeza.—Mat. 16:16; Yoan. 3:16; 1 Yoan. 4:15.

4. 20. Yesu te Leeza Wamaka Onse.—Yoan. 14:28; 1 Bakor. 11:3.

 BUKOLO BWAKUE LEEZA

1. 21. Bukolo Bwakue Leeza ni buteeko bwa kisinka buli ku muulu.—Dan. 2:44; 7:13, 14; Mat. 6:9, 10; Nfy. 11:15.

2. 22. Bukolo Bwakue Leeza, bwakaba kufumiapo ma buteeko a bantu ni kutendeka kuteeka pa kyalo.—Malum. 2:7-9; Dan. 2:44.

3. 23. Bukolo Bwakue Leeza, bwenesie bunke i bwakaba kupuisia maavia ali na bantu.—Malum. 37:10, 11; 46:9; Is. 65:21-23.

 KWEMA

1. 24. Leeza teezi kulengia tuye twaema.—Mal Miz. 32:4; Yak. 1:13.

2. 25. Sataana i ali mukuteeka keenu kyalo.—Luk. 4:5, 6; 1 Yoan. 5:19.

3. 26. Leeza amwene nangue uli mukwema kabili atonene kukukwasia.—Malum. 34:17-19; Is. 41:10, 13.

4. 27. Leenusie, Leeza wakaba kufumiapo bintu bili byalengia tuye twaema.—Is. 65:17; Nfy. 21:3, 4.

 LUFU

1. 28. Bantu bafuile te bamanine ata kantu, kabili tebeezi kwema.—Kas. 9:5; Yoan. 11:11-14.

2. 29. Bantu bafuile, te baviinda kutukwasia ao kutukitila bintu bibiipile.—Malum. 146:4; Kas. 9:6, 10.

3. 30. Bantu bafuile baalia batutonene, bakaba kufufuka.—Yob. 14:13-15; Yoan. 5:28, 29; Miil Bat. 24:15.

4. 31. “Tekukaba lufu” ata kaniini.—Nfy. 21:3, 4; Is. 25:8.

 DIINI

1. 32. Ma diini onse, teezi kumusaansamusia Leeza.—Yer. 7:11; Mat. 7:13, 14, 21-23.

2. 33. Leeza teezi kutona bunafiki.—Is. 29:13; Mik. 3:11; Mark. 7:6-8.

3. 34. Diini ya kisinka, kuinikila ku ntono ya kisinka.—Mik. 4:3; Yoan. 13:34, 35.