Jesús ko anili japi echi pagótami japi a binénili Jeobá jitra, inámima riweili echi ne bichíwali (Juan 10:4, 27). Jiti bela, japalí ti yúa raʼicha echi pagótami ati ruyénili japi iyiri bineri echi Biblia japi ke me jilí ju inámilia. Japalí ti chotásimi yúa raʼichia echi rijoi o mukí ma, anebo jepuná: “¿Ami machiyé japi...?” o “¿Ke mi siné kipujú japi...?” alí miná ko ruyepo echi namuti japi bineri echi Biblia. Alí leéripo bilé texto bíblico japoná ruyé jepuná namuti. Japalí ti ruyé echi pagótami japi iyiri bineri echi Biblia, ati iʼwiri japi echi ko natia ripima japi iyiri aní echoná. ¡Alí Onorúami ko iʼwírima jiti aminabi binema! (1 Cor. 3:6, 7).

•  Japi riwélima pe aminana

•  Echi téemala

•  Onorúami

•  Onorúami yúa raʼichia

•  Jesús

•  Echi Onorúami Gobiérnowala

•  Risoa níliwami

•  Mukuwáami

•  Echi religión

 JAPI RIWÉLIMA PE AMINANA

1. 1. Echi chati namuti japi ikí alí japi riká noká echi pagótami, néwariwéliti japi ma mulipi we simá riwélima (Mat. 24:3, 7, 8; Luc. 21:10, 11; 2 Tim. 3:1-5).

2. 2. Echi Wichimoba ke siné najunárami nima (Sal. 104:5; Ecl. 1:4).

3. 3. We simá rikáachi ku nima jenaʼí Wichimóbachi (Is. 35:1, 2; Apoc. 11:18).

4. 4. Pe aminana ma ke wesi pagótami nayuma (Is. 33:24; 35:5, 6).

5. 5. Mujé ko a omérima sinibí bitea jenaʼí Wichimóbachi (Sal. 37:29; Mat. 5:5).

 ECHI TÉEMALA

1. 6. Echi kunala ko we nakisáré binoy upila japi riká nakí binoy (Efes. 5:33; Col. 3:19).

2. 7. Echi upila ko we aʼlá riwíwisaré binoy kunala (Efes. 5:33; Col. 3:18).

3. 8. Echi kunala alí echi upila ke inénisaré bilecho rijoi o mukí (Mal. 2:16; Mat. 19:4-6, 9; Heb. 13:4).

4. 9. Echi kúruwi alí iwé japi we aʼlá riwiwi alí nijewi aboi wénwala, we aʼlá pirélima (Prov. 1:8, 9; Efes. 6:1-3).

 ONORÚAMI

1. 10. Onorúami ko a riwéami ju (Sal. 83:18; Jer. 10:10).

2. 11. Onorúami ko tamó ruyé namuti we natéami (2 Tim. 3:16, 17; 2 Ped. 1:20, 21).

3. 12. Onorúami ko chopi riká niraa iné sinéami echi pagótami (Deut. 10:17; Hech. 10:34, 35).

4. 13. Onorúami ko tamujé iʼwírinali (Sal. 46:1; 145:18, 19).

  ONORÚAMI YÚA RAʼICHIA

1. 14. Onorúami ko nakí japi echi yúa raʼichabo (Sal. 62:8; 65:2; 1 Ped. 5:7).

2. 15. Echi Biblia ko bineri chúriká raʼichabo Onorúami yúa (Mat. 6:7-13; Luc. 11:1-4).

3. 16. Sinibí raʼichásaré Onorúami yúa (Mat. 7:7, 8; 1 Tes. 5:17).

 JESÚS

1. 17. Jesús ko we aʼlá binériami nili alí sinibí we aʼlá nikuuro echi busuré japi nijili (Mat. 6:14, 15, 34; 7:12).

2. 18. Jesús ko anili japi ikimea riweili japi ikí jipi (Mat. 24:3, 7, 8, 14; Luc. 21:10, 11).

3. 19. Jesús ko Onorúami ranala ju (Mat. 16:16; Juan 3:16, TNM; 1 Juan 4:15).

4. 20. Jesús ko ke Onorúami ju (Juan 14:28; 1 Cor. 11:3).

 ECHI ONORÚAMI GOBIÉRNOWALA

1. 21. Echi Onorúami Gobiérnowala japi atí echoná ripá rewegachi, ne bichíwali ju (Dan. 2:44; 7:13, 14; Mat. 6:9, 10; Apoc. 11:15).

2. 22. Onorúami Gobiérnowala suwábima echi gobiernos japi nirú jenaʼí Wichimóbachi alí echi nima japi nulama (Sal. 2:7-9; Dan. 2:44).

3. 23. Echi Onorúami Gobiérnowala bi ju japi omérima kariwea echi namuti japi ikí echi pagótami (Sal. 37:10, 11; 46:9; Is. 65:21-23).

 RISOA NÍLIWAMI

1. 24. Ke Onorúami iyiri ju japalí ti risoa ikí (Deut. 32:4; Sant. 1:13).

2. 25. Satanás ju japi nulá jenaʼí Wichimóbachi (Luc. 4:5, 6; 1 Juan 5:19).

3. 26. Onorúami ko a ritiwá japalí mi risoa nili alí mi iʼwírinali (Sal. 34:17-19; Is. 41:10, 13).

4. 27. Ma mulipi Onorúami ko isima japi ta ma ke risoa nílipo (Is. 65:17; Apoc. 21:3, 4).

 MUKUWÁAMI

1. 28. Echi suwíami ko ke bilé iyiri machí alí ke risoa nila (Ecl. 9:5; Juan 11:11-14).

2. 29. Echi suwíami ko ke omero tamó iʼwiria alí ke cho tamó risoa olama (Sal. 146:4; Ecl. 9:6, 10).

3. 30. Tamujé téemala japi ma suwili checho ku pirélima (Job 14:13-15; Juan 5:28, 29, TNM; Hech. 24:15).

4. 31. Ma ke wesi suwimea (Apoc. 21:3, 4; Is. 25:8).

 ECHI RELIGIÓN

1. 32. Onorúami ko ke galé suwaba religiones (Jer. 7:11; Mat. 7:13, 14, 21-23, TNM).

2. 33. Onorúami ko we kichí japalí bilé anisaa japi we galé echi, nalí we chati isíami nisa (Is. 29:13; Miq. 3:11; Mar. 7:6-8).

3. 34. Echi cristianos ne bichíwali we galé anakupi niraa (Miq. 4:3; Juan 13:34, 35).