NUITETEMITAI A
Abeit Naimina Oni Aisisianakin
Alimunit Yesu ebe itunga lueminasi abeit iirarete abeit kosodete amisiikin. (Yokana 10:4, 27) Nainerar oni keda itunga, ekot oni aimor keda kes abeit naepatana naejai toma Obaibuli. Kotam aitejenun abeit kopone loka aingit ebe: “Ijeni kereka ijo ebe . . . ?” arai bo “Ipupunitor kereka ijo ebe . . . ?” Kosodi aitwasam ekokoro kanu aitetemio abeit ngin. Aimor keda itunganan abeit naepatana naejai Obaibuli, epedori airaikin ikinyomit yenikabeit otauke, ido epedori Edeke aitopol ikinyomit ngin!—1 Kor. 3:6, 7.
NUIKAMUNITOS INGAREN
-
1. Nuiseseni oni iswamasi keda iponesio luka itunga itodunitos ebe epote iboro aijulakin katipet.—Mat. 24:3, 7, 8; Luk. 21:10, 11; 2 Tim. 3:1-5.
-
2. Mam cut emudiario akwap.—Sab. 104:5; Lim. 1:4.
-
3. Emameun amunamunao naka akwap, eraun akwap kere naejok noi.—Isa. 35:1, 2; Apu. 11:18.
-
4. Ejaunos itunga kere keda angaleu naedolit.—Isa. 33:24; 35:5, 6.
-
5. Ipedori ijo aijar ikar kere kotoma akwap.—Sab. 37:29; Mat. 5:5.
EKALE
-
6. “Kominenena [ngolikiliokit] akeberu, kwape eminar bon.”—Pes. 5:33; Kol. 3:19.
-
7. Koyongitenenei aberu da okilenike.—Pes. 5:33; Kol. 3:18.
-
8. Ekiliokit keda aberu ekot oraasi luemunonoro bonik.—Mal. 2:16; Mat. 19:4-6, 9; Bur. 13:4.
-
9. Ekeriakaros idwe lueyongitos ido luerimaaritos auriakakec.—Awa. 1:8, 9; Pes. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
EDEKE
-
10. Ejai Edeke ekiror.—Sab. 83:18; Yer. 10:10.
-
11. Ijaikinit Edeke oni akirot naepol ajokis.—2 Tim. 3:16, 17; 2 Pet. 1:20, 21.
-
12. Ejok Edeke ido mam esei ikur kobaale.—Ikis. 10:17; Asw. 10:34, 35.
-
13. Ekoto Edeke aingarakin oni.—Sab. 46:1; 145:18, 19.
AILIP
-
14. Ekoto Edeke oni ailip nges.—Sab. 62:8; 65:2; 1 Pet. 5:7.
-
15. Isisianakini Ebaibuli oni epone loilipet.—Mat. 6:7-13; Luk. 11:1-4.
-
16. Ibusakinit oni ailipenen tiritir.—Mat. 7:7, 8; 1 Ses. 5:17.
YESU
-
17. Arai Yesu esisianakinan lokapolon ido aicoretake kere eraasi duc nuingarakinete.—Mat. 6:14, 15, 34; 7:12.
-
18. Adwarit Yesu nuiseseni oni iswamasi lolo.—Mat. 24:3, 7, 8, 14; Luk. 21:10, 11.
-
19. Erai Yesu Okoku loka Edeke.—Mat. 16:16; Yok. 3:16; 1 Yok. 4:15.
-
20. Mam Yesu erai Edeke Lokapedor Kere.—Yok. 14:28; 1 Kor. 11:3.
Based on NASA/Visible Earth imagery
AJAKANUT NAKA EDEKE
-
21. Erai Ajakanut Naka Edeke apugan obe nakotoma akuj.—Dan. 2:44; 7:13, 14; Mat. 6:9, 10; Apu. 11:15.
-
22. Eburokini Ajakanut Naka Edeke apuganisinei nuka itunga.—Sab. 2:7-9; Dan. 2:44.
-
23. Ajakanut naka Edeke nges bon epedori aitemokin atiokisio nuka itunga.—Sab. 37:10, 11; 46:9; Isa. 65:21-23.
AITICANITOI
-
24. Mam Edeke eyaununei atiokisio otunga.—Ikis. 32:4; Yak. 1:13.
-
25. Satan ipugat akwap.—Luk. 4:5, 6; 1 Yok. 5:19.
-
26. Epodokinit Edeke ijo ka atiokisiokon ido ekoto ngesi aingarakin ijo.—Sab. 34:17-19; Isa. 41:10, 13.
-
27. Eyapie Edeke alemar atiokisio.—Isa. 65:17; Apu. 21:3, 4.
ATWANARE
-
28. Mam lukatwak ejenete idiobore; mam kesi epupete apipil.—Lim. 9:5; Yok. 11:11-14.
-
29. Mam lukatwak epedorete aingarakin oni arai bo aiswamakin oni erono.—Sab. 146:4; Lim. 9:6, 10.
-
30. Ejarunete itunga lukatwak.—Yob 14:13-15; Yok. 5:28, 29; Asw. 24:15.
-
31. “Mam bobo ejaun atwanare.”—Apu. 21:3, 4; Isa. 25:8.
EDIINI
-
32. Mam erai ebe isiyalamikinitos idiinin kere Edeke.—Yer. 7:11; Mat. 7:13, 14, 21-23.
-
33. Mam Edeke ekoto esoswai.—Isa. 29:13; Mik. 3:11; Mk. 7:6-8.
-
34. Amin nakabeit ngesi ibore yenitodunit ediini lokabeit.—Mik. 4:3; Yok. 13:34, 35.