Yesu yange kaa ér mba ve lu a ishima i mimi yô, vea ungwa ityesen i mimi la je vea kav. (Yoh. 10:4, 27) Nahan hanma shighe u se lu lamen a ior yô, se pase ve atesen a Bibilo a mimi la sha gbenda u taver ga. Hii iliam a or sha ma itinekwagh sha u pinen nan wer: “U hen wer . . . ?” gayô “I lu nahan u ungwa . . . ?” Maa ôr nan ivur shin avur a Bibilo a a te iwanger sha itinekwagh shon yô. Aluer u lam a or sha itinekwagh i ken Bibilo i môm tseegh kpa, alaghga u lôô ivor ken ishima i nan man Aôndo una fatyô u nan ia vese kpaa!—1 Kor. 3:6, 7.

•  Mlu u ken Hemen

•  Tsombor

•  Aôndo

•  Msen

•  Yesu

•  Tartor u Aôndo

•  Ican

•  Ku

•  Kwaghaôndo

 MLU U KEN HEMEN

1. 1. Akaa a a lu eren hegen man aeren a ior tese ér ica a gba ga tsô kwagh a gema.—Mat. 24:3, 7, 8; Luka 21:10, 11; 2 Tim. 3:1-5.

2. 2. Mayange a tim tar u se lu shimi ne ga.—Ps. 104:5; Orpa. 1:4.

3. 3. A hide a sôr hanma kwagh sha tar ne.—Yes. 35:1, 2; Mpa. 11:18.

4. 4. Hanma or nana lu gbang gbang.—Yes. 33:24; 35:5, 6.

5. 5. U fatyô lun uma gbem sha won shin tar.—Ps. 37:29; Mat. 5:5.

 TSOMBOR

1. 6. Hanma nom yô “kwase u nan a doo nan ishima er i iyol i nan i doo nan ishima nahan.”—Ef. 5:33; Kol. 3:19.

2. 7. Kwase nana naan nom u nan icivir tsung.—Ef. 5:33; Kol. 3:18.

3. 8. Nom man kwase ve eren kwagh ayol a ve sha mimi.—Mal. 2:16; Mat. 19:4-6, 9; Heb. 13:4.

4. 9. Mbayev mba ve ungwan imo i mbamaren vev shi ve ne ve icivir yô a kpe ve iyol.—Anz. 1:8, 9; Ef. 6:1-3.

 AÔNDO

1. 10. Aôndo ngu a iti.—Eks. 6:3; Ps. 83:18, NWT.

2. 11. Aôndo lamen a vese.—2 Tim. 3:16, 17; 2 Pet. 1:20, 21.

3. 12. Aôndo sangen a sange ior ga.—Dut. 10:17; Aer. 10:34, 35.

4. 13. Aôndo kegh a kegh iyol u wasen se.—Ps. 46:1; 145:18, 19.

  MSEN

1. 14. Aôndo soo ér se lamen a na.—Ps. 62:8; 65:2; 1 Pet. 5:7.

2. 15. Bibilo tese se er se eren msen yô.—Mat. 6:7-13; Luka 11:1-4.

3. 16. Gba u se eren msen hanma shighe.—Mat. 7:7, 8; 1 Tes. 5:17.

 YESU

1. 17. Yesu yange lu ortesen u hemban cii, man zan zan nyian kpa kwaghwan na ngu wasen ior.—Mat. 6:14, 15, 34; 7:12.

2. 18. Yesu yange tsenga ôron akaa a se nenge a lu eren nyian ne.—Mat. 24:3, 7, 8, 14; Luka 21:10, 11.

3. 19. Yesu ka Wan u Aôndo.—Mat. 16:16; Yoh. 3:16; 1 Yoh. 4:15.

4. 20. Yesu ka Aôndo Uhembanagee ga.—Yoh. 14:28; 1 Kor. 11:3.

 TARTOR U AÔNDO

1. 21. Tartor u Aôndo ka gomoti u sha u a lu kpôô kpôô yô.—Dan. 2:44; 7:13, 14; Mat. 6:9, 10; Mpa. 11:15.

2. 22. Tartor u Aôndo ua kar a tile sha ityough ki gomoti u uumace.—Ps. 2:7-9; Dan. 2:44.

3. 23. Ka Tartor u Aôndo tseegh ua bee a mbamzeyol mba uumace ye.—Ps. 37:10, 11; 46:9; Yes. 65:21-23.

 ICAN

1. 24. Ka Aôndo a ne ve se lu yan ican ga.—Dut. 32:4; Yak. 1:13.

2. 25. Satan ngu hemen tar ne.—Luka 4:5, 6; 1 Yoh. 5:19.

3. 26. Aôndo fa er se lu yan ican yô shi a soo u wasen se.—Ps. 34:17-19; Yes. 41:10, 13.

4. 27. Ica a gba ga tsô Aôndo una bee a ican.—Yes. 65:17; Mpa. 21:3, 4.

 KU

1. 28. Mbakpenev fa ma kwagh ga shi mba za yan ican mape kpaa ga.—Orpa. 9:5; Yoh. 11:11-14.

2. 29. Mbakpenev vea fatyô u wasen shin bulan se ga.—Ps. 146:4; Orpa. 9:6, 10.

3. 30. A va nder ior asev mba ve kpe la.—Yobu 14:13-15; Yoh. 5:28, 29; Aer. 24:15.

4. 31. “Ku ua kera lu ga.”—Mpa. 21:3, 4; Yes. 25:8.

 KWAGHAÔNDO

1. 32. Ka ukwaghaôndo cii ve eren ishima i Aôndo ga.—Yer. 7:11; Mat. 7:13, 14, 21-23.

2. 33. Aôndo kôr mbawanatseregh ihyom.—Yes. 29:13; Mika 3:11; Mar. 7:6-8.

3. 34. Ka i fa mba ve civir Aôndo sha mimi la sha dooshima ve u tangen iyol ga la.—Mika 4:3; Yoh. 13:34, 35.