Naʻe pehē ʻe Sīsū ko e kakai loto-totonú te nau ʻiloʻi ʻa e moʻoní ʻi heʻenau fanongo pē ki aí. (Sione 10:​4, 27) Ko ia ʻi ha taimi pē ʻoku tau talanoa ai ki he kakaí, ʻoku tau loto ke vahevahe ʻa e ngaahi moʻoni faingofua mei he Tohi Tapú. Feinga ke fakahūhū ha moʻoni ʻe taha ʻaki hono ʻeke: “Naʻá ke ʻiloʻi . . . ?” pe “Kuo ʻi ai nai ha taimi kuó ke fanongo ai . . . ?” Ngāueʻaki leva ʻa e ngaahi konga Tohi Tapu ʻoku felāveʻi mo iá ke fakamatalaʻi ʻa e moʻoni ko iá. Ko hono vahevahe pē ha moʻoni faingofua mei he Tohi Tapú ko hano tō nai ia ha tenga ʻi he loto ʻo e tokotahá pea ko e ʻOtuá ʻe lava ke ne ʻai ʻa e tenga ko iá ke tupu!—1 Kol. 3:​6, 7.

•  Ko e Kahaʻú

•  Fāmili

•  ʻOtua

•  Founga Lotu

•  Sīsū

•  Puleʻanga ʻo e ʻOtuá

•  Faingataʻaʻia

•  Mate

•  Lotu

 KO E KAHAʻÚ

1. 1. Ko e ngaahi meʻa kovi ʻoku tau sio ʻoku lolotonga hokó ʻoku fakahaaʻi mai ai ʻoku vavé ni ke ʻi ai ha liliu.—Māt. 24:​3, 7, 8; Luke 21:​10, 11; 2 Tīm. 3:​1-5.

2. 2. Ko e māmaní ʻe ʻikai ʻaupito ke fakaʻauha.—Saame 104:5; Tml. 1:4.

3. 3. Ko e ʻātakai ʻo e māmaní ʻe toe fakafoʻou.—ʻAi. 35:​1, 2; Fkh. 11:18.

4. 4. ʻE maʻu ʻe he tokotaha kotoa ʻa e moʻui lelei haohaoa.—ʻAi. 33:24; 35:​5, 6.

5. 5. ʻE lava ke ke moʻui taʻengata ʻi he māmaní.—Saame 37:29; Māt. 5:5.

 FĀMILI

1. 6. Ko ha husepāniti ʻoku totonu ke ne “ʻofa ki hono uaifí ʻo hangē pē ko ʻene ʻofa ʻiate iá.”—ʻEf. 5:33; Kol. 3:19.

2. 7. Ko ha uaifi ʻoku totonu ke ne fakaʻapaʻapa loloto ki hono husepānití.—ʻEf. 5:33; Kol. 3:18.

3. 8. ʻOku totonu ki ha husepāniti mo ha uaifi ke na femateakiʻaki.—Mal. 2:16; Māt. 19:​4-6, 9; Hep. 13:4.

4. 9. Ko e fānau ʻoku nau fakaʻapaʻapa mo talangofua ki heʻenau mātuʻá te nau lavameʻa.—Pal. 1:​8, 9; ʻEf. 6:​1-3.

 ʻOTUA

1. 10. ʻOku ʻi ai ʻa e huafa ʻo e ʻOtuá.—Saame 83:18; Sel. 10:10.

2. 11. ʻOku folofola mai ʻa e ʻOtuá kiate kitautolu.—2 Tīm. 3:​16, 17; 2 Pita 1:​20, 21.

3. 12. ʻOku faitotonu mo taʻefilifilimānako ʻa e ʻOtuá.—Teu. 10:17; Ngā. 10:​34, 35.

4. 13. ʻOku loto ʻa e ʻOtuá ke tokoniʻi kitautolu.—Saame 46:1; 145:​18, 19.

  FOUNGA LOTU

1. 14. ʻOku loto ʻa e ʻOtuá ke tau lotu ange kiate ia.—Saame 62:8; 65:2; 1 Pita 5:7.

2. 15. ʻOku akoʻi mai ʻe he Tohi Tapú ʻa e founga ke lotu aí.—Māt. 6:​7-13; Luke 11:​1-4.

3. 16. ʻOku totonu ke tau lotu maʻu pē.—Māt. 7:​7, 8; 1 Tes. 5:17.

 SĪSŪ

1. 17. Ko Sīsuú ko ha faiako lahi pea ko ʻene faleʻí ʻoku ʻaonga maʻu pē.—Māt. 6:​14, 15, 34; 7:12.

2. 18. Naʻe tomuʻa tala ʻe Sīsū ʻa e ngaahi meʻa ʻoku tau sio ai ʻi he ʻaho ní.—Māt. 24:​3, 7, 8, 14; Luke 21:​10, 11.

3. 19. Ko Sīsū ko e ʻAlo ia ʻo e ʻOtuá.—Māt. 16:16; Sione 3:16; 1 Sio. 4:15.

4. 20. ʻOku ʻikai ko Sīsū ʻa e ʻOtua Māfimafi-Aoniú.—Sione 14:28; 1 Kol. 11:3.

 PULEʻANGA ʻO E ʻOTUÁ

1. 21. Ko e Puleʻanga ʻo e ʻOtuá ko ha founga-pule moʻoni ia ʻi hēvani.—Tan. 2:44; 7:​13, 14; Māt. 6:​9, 10; Fkh. 11:15.

2. 22. Ko e Puleʻanga ʻo e ʻOtuá te ne fetongi ʻa e ngaahi puleʻanga fakaetangatá.—Saame 2:​7-9; Tan. 2:44.

3. 23. Ko e Puleʻanga ʻo e ʻOtuá ko e fakaleleiʻanga pē ia ʻe taha ki he ngaahi palopalema ʻa e faʻahinga ʻo e tangatá.—Saame 37:​10, 11; 46:9; ʻAi. 65:​21-23.

 FAINGATAʻAʻIA

1. 24. ʻOku ʻikai ko e ʻOtuá ʻokú ne fakatupunga ʻetau faingataʻaʻiá.—Teu. 32:4; Sēm. 1:13.

2. 25. Ko Sētane ʻokú ne puleʻi ʻa e māmani ko ení.—Luke 4:​5, 6; 1 Sio. 5:19.

3. 26. ʻOku tokanga mai ʻa e ʻOtuá ki hoʻo faingataʻaʻiá.—Saame 34:​17-19; ʻAi. 41:​10, 13.

4. 27. ʻOku vavé ni ke fakangata ʻe he ʻOtuá ʻa e faingataʻá.—ʻAi. 65:17; Fkh. 21:​3, 4.

 MATE

1. 28. Ko e kau maté ʻoku ʻikai te nau ʻiloʻi ha meʻa; ʻoku ʻikai ke nau faingataʻaʻia.—Tml. 9:5; Sione 11:​11-14.

2. 29. ʻOku ʻikai lava ke tokoniʻi pe fakamamahiʻi kitautolu ʻe he kau maté.—Saame 146:4; Tml. 9:​6, 10.

3. 30. Ko e faʻahinga ʻofeina kuo nau maté te nau toetuʻu.—Siope 14:​13-15; Sione 5:​28, 29; Ngā. 24:15.

4. 31. “ʻE ʻikai ke toe ʻi ai ha mate.”—Fkh. 21:​3, 4; ʻAi. 25:8.

 LOTU

1. 32. ʻOku ʻikai ke fakahōifua ʻa e lotu kotoa pē ki he ʻOtuá.—Sel. 7:11; Māt. 7:​13, 14, 21-23.

2. 33. ʻOku fehiʻa ʻa e ʻOtuá ʻi he mālualoí.—ʻAi. 29:13; Mai. 3:11; Mk. 7:​6-8.

3. 34. Ko e ʻofa moʻoní ʻoku ʻiloʻiʻaki ʻa e lotu moʻoní.—Mai. 4:3; Sione 13:​34, 35.