Jesu wakaamba kuti babombe myoyo bayookazyiba kasimpe ciindi baakukamvwa buyo. (Joh. 10:4, 27) Aboobo lyoonse notubandika abantu, tuyanda kubaambila makani aamu Bbaibbele aatakatazyi kumvwa. Amusole kwaatalisya kwiinda mukubuzya kuti: “Sena mulizyi kuti . . . ?” naa “Sena mwakamvwa kale kuti . . . ?” Mpoonya amubelesye magwalo aayendelana amubandi kupandulula makani aamu Bbaibbele aayo. Kubandika kasimpe kamu Bbaibbele katakatazyi kumvwa kulakonzya kusyanga mbuto mumoyo wamuntu kumane Leza ulakonzya kwiikomezya mbuto eeyo!—1Kor. 3:6, 7.

•  Buumi Bwakumbele

•  Mukwasyi

•  Leza

•  Mupailo

•  Jesu

•  Bwami bwa Leza

•  Kupenga

•  Lufwu

•  Bukombi

 BUUMI BWAKUMBELE

1. 1. Zintu zicitika munyika alimwi abube bwabantu zitondezya kuti lino-lino zintu zilabota.—Mt. 24:3, 7, 8; Lk. 21:10, 11; 2Tim. 3:1-5.

2. 2. Nyika tiikanyonyoonwi pe.—Int. 104:5; Muk. 1:4.

3. 3. Nyika tiikasofwaazyigwi alimwi iyooba paradaiso.—Is. 35:1, 2; Ciy. 11:18.

4. 4. Bantu boonse banoojisi buumi buli kabotu.—Is. 33:24; 35:5, 6.

5. 5. Mulakonzya kupona kukabe kutamani anyika.—Int. 37:29; Mt. 5:5.

 MUKWASYI

1. 6. Mwaalumi weelede “kuyanda mukaintu wakwe mbubonya mbwaliyanda mwini.”—Ef. 5:33; Kol. 3:19.

2. 7. Mukaintu weelede kumulemeka kapati mulumaakwe.—Ef. 5:33; Kol. 3:18.

3. 8. Mulumi amukaintu beelede kusyomeka kuli umwi amweenzinyina.—Malk. 2:16; Mt. 19:4-6, 9; Heb. 13:4.

4. 9. Bana ibamvwida akulemeka bazyali babo bayoozwidilila.—Tus. 1:8, 9; Ef. 6:1-3.

 LEZA

1. 10. Leza ulijisi zina.—Int. 83:18; Jer. 10:10.

2. 11. Leza ulabandika andiswe.—2Tim. 3:16, 17; 2Pet. 1:20, 21.

3. 12. Leza uliluleme alimwi tasalululi.—Dt. 10:17; Mil. 10:34, 35.

4. 13. Leza ulayanda kutugwasya.—Int. 46:1; 145:18, 19.

 KUPAILA

1. 14. Leza uyanda kuti katupaila kulinguwe.—Int. 62:8; 65:2; 1Pet. 5:7.

2. 15. Bbaibbele lilatuyiisya mbotweelede kupaila.—Mt. 6:7-13; Lk. 11:1-4.

3. 16. Tweelede kupaila lyoonse.—Mt. 7:7, 8; 1Tes. 5:17.

 JESU

1. 17. Jesu wakali mwiiyi mupati alimwi lulayo lwakwe lucibeleka asunu.—Mt. 6:14, 15, 34; 7:12.

2. 18. Jesu wakasinsima zintu nzyotubona mazuba aano.—Mt. 24:3, 7, 8, 14; Lk. 21:10, 11.

3. 19. Jesu mwana wa Leza.—Mt. 16:16; Joh. 3:16; 1Joh. 4:15.

4. 20. Jesu tali Leza Singuzuzyoonse.—Joh. 14:28; 1Kor. 11:3.

 BWAMI BWA LEZA

1. 21. Bwami bwa Leza nimfwulumende iini-ini yakujulu.—Dan. 2:44; 7:13, 14; Mt. 6:9, 10; Ciy. 11:15.

2. 22. Bwami bwa Leza buyoonjila mubusena bwamfwulumende zyabantu.—Int. 2:7-9; Dan. 2:44.

3. 23. Bwami bwa Leza mbobulangizi bulikke buyo ibuyoomanizya mapenzi aabantu.—Int. 37:10, 11; 46:9; Is. 65:21-23.

 MAPENZI

1. 24. Leza tali nguwe uutuletela mapenzi.—Dt. 32:4; Jak. 1:13.

2. 25. Saatani nguweendelezya nyika eeyi.—Lk. 4:5, 6; 1Joh. 5:19.

3. 26. Leza ulaabwene mapenzi aanu.—Int. 34:17-19; Is. 41:10, 13.

4. 27. Lino-lino Leza uyakwaamana mapenzi.—Is. 65:17; Ciy. 21:3, 4.

 LUFWU

1. 28. Bafwide tabazyi cintu nociba comwe; tabapengi pe. —Muk. 9:5; Joh. 11:11-14.

2. 29. Bafwide tabakonzyi kutugwasya naa kutucisa. —Int. 146:4; Muk. 9:6, 10.

3. 30. Bayandwa besu bafwide bayoobuka.—Job. 14:13-15; Joh. 5:28, 29; Mil. 24:15.

4. 31. “Lufwu talukabi limbi.” —Ciy. 21:3, 4; Is. 25:8.

 BUKOMBI

1. 32. Tabuli bukombi boonse mbwakkomanina Leza.—Jer. 7:11; Mt. 7:13, 14, 21-23.

2. 33. Leza takuyandi kuupaupa ameso.—Is. 29:13; Mik. 3:11; Mk. 7:6-8.

3. 34. Luyando lwini-lwini ndoluzyibya bakombi bakasimpe.—Mik. 4:3; Joh. 13:34, 35.