MAKANI AAKUYUNGIZYA A
Zyiiyo zyamuBbayibbili Nzituyiisya Bantu
Jesu wakaamba kuti babombe myoyo bakali kuyookayanda kasimpe chiindi nibakali kuyookamvwa. (Joh. 10:4, 27) Chiindi choonse nitwaambuula aabantu, tuyanda kubayiisya kasimpe kamuBbayibbili kamvwisisika. Chiindi nuyanda kubuzya umwi muntu kasimpe kamuBbayibbili, ulakonzya kumubuzya kuti: “Mwalizi na kuti . . . ?” naakuti, “Mwakali mwazimvwa na . . . ?” Kuzwa waawo, ubelesye lugwalo lweendelana kuti upandulule kasimpe aako. Kuti wabuzya umwi muntu kasimpe, nga ulikubyala mbuto mumoyo wakwe, mpawo Leza nguwe uupa kuti mbuto eeyo ikomene.—1 Kor. 3:6, 7.
CHIINDI CHILIKUNEMBO
-
1. Zintu zilikuchitika lino abuntu mbubalikutondeezya bantu mazubaano, zitondeezya kuti zintu zyabaafwiifwi kuchincha.—Mt. 24:3, 7, 8; Lk. 21:10, 11; 2 Tim. 3:1-5.
-
2. Nyika tayizoonyonyoonwi pe.—Int. 104:5; Muk. 1:4.
-
3. Takuzoobi zintu zinyonyoona nyika pe alubo nyika izooba paradayizi.—Is. 35:1, 2; Chi. 11:18.
-
4. Bantu boonse bazooba aamibili iimaninide.—Is. 33:24; 35:5, 6.
-
5. Ulakonzya kuzoopona aanyika kukabe kutamani.—Int. 37:29; Mt. 5:5.
MPULI
-
6. Mwaalumi weelede “kuyanda mwanakazi wakwe mbuli mbaliyanda.”—Ef. 5:33; Kol. 3:19.
-
7. Mwanakazi weelede kumulemeka loko mulumaakwe.—Ef. 5:33; Kol. 3:18.
-
8. Mwaalumi amwanakazi beelede kusyomeka kuli umwi awumwi.—Malk. 2:16; Mt. 19:4-6, 9; Heb. 13:4.
-
9. Bana balazwidilila kuti balemeka bazyali babo akubaswiilila.—Tus. 1:8, 9; Ef. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
LEZA
-
10. Leza ulaazina.—Int. 83:18; Jer. 10:10.
-
11. Leza waambuula andiswe kabelesya Jwi lyakwe.—2 Tim. 3:16, 17; 2 Pet. 1:20, 21.
-
12. Leza tasaluuli pe.—Dt. 10:17; Mil. 10:34, 35.
-
13. Leza uyanda kutugwasya.—Int. 46:1; 145:18, 19.
NKOMBYO
-
14. Leza uyanda kuti tukombe kulinguwe.—Int. 62:8; 65:2; 1 Pet. 5:7.
-
15. Bbayibbili lituyiisya mbutukonzya kukomba.—Mt. 6:7-13; Lk. 11:1-4.
-
16. Tweelede kukomba chiindi choonse.—Mt. 7:7, 8; 1 Tes. 5:17.
JESU
-
17. Jesu muyiisi mupati alubo nzyaakayiisya zichibeleka nikuba mazubaano.—Mt. 6:14, 15, 34; 7:12.
-
18. Jesu wakaambilizya atala azintu zilikuchitika mazubaano.—Mt. 24:3, 7, 8, 14; Lk. 21:10, 11.
-
19. Jesu Mwana waLeza.—Mt. 16:16; Joh. 3:16; 1 Joh. 4:15.
-
20. Jesu teeLeza Singuzuzyoonse pe.—Joh. 14:28; 1 Kor. 11:3.
Based on NASA/Visible Earth imagery
BWAAMI BWALEZA
-
21. Bwaami bwaLeza nimfulumende yachoonzyo yakujulu.—Dan. 2:44; 7:13, 14; Mt. 6:9, 10; Chi. 11:15.
-
22. Bwaami bwaLeza buzoogwisya mfulumende zyabantu mpawo buzooyendelezye.—Int. 2:7-9; Dan. 2:44.
-
23. Bwaami bwaLeza mbubo abulikke buzoomaninsya mapenzi ngibaswaana bantu.—Int. 37:10, 11; 46:9; Is. 65:21-23.
MAPENZI
-
24. Leza teenguwe pe uutweetela mapenzi.—Dt. 32:4; Jak. 1:13.
-
25. Saatani nguwe ulikweendelezya nyika eeyi.—Lk. 4:5, 6; 1 Joh. 5:19.
-
26. Leza ulaabwene mapenzi ngitulikuswaana alubo uyanda kutugwasya.—Int. 34:17-19; Is. 41:10, 13.
-
27. Lino-lino Leza uzoowamaninsya mapenzi.—Is. 65:17; Chi. 21:3, 4.
LUFU
-
28. Bafwide taakwe nchibazi pe alubo tabalikupenzegwa pe.—Muk. 9:5; Joh. 11:11-14.
-
29. Bafwide tabakonzyi pe kutugwasya alubo tabakonzyi pe kutuchisa.—Int. 146:4; Muk. 9:6, 10.
-
30. Bafwide bazoobusigwa.—Job. 14:13-15; Joh. 5:28, 29; Mil. 24:15.
-
31. “Lufu taluchizoobi lubo pe.”—Chi. 21:3, 4; Is. 25:8.
CHIKOMBELO
-
32. Teezyoonse pe zikombelo zibotezya Leza.—Jer. 7:11; Mt. 7:13, 14, 21-23.
-
33. Leza ulabazonda basikuupawupa-wupa aameso.—Is. 29:13; Mik. 3:11; Mk. 7:6-8.
-
34. Chikombelo chakasimpe chiboneka aaluyando lwachoonzyo.—Mik. 4:3; Joh. 13:34, 35.