НЕМЕЛДЕ МАТЕРИАЛ А
Алыс шынны улуска чугаалаарынга ынак бис
Биче сеткилдиг улус өөрүшкүлүг медээни дыңнааш, ону алыс шын деп билип каар деп, Иисус чугаалаан (Ин. 10:4, 27). Ынчангаш эптиг байдал тыптып кээрге-ле, Библиядан алыс шынны кижилер-биле үлежир бис. Чугааны «Силер ону билир силер бе...» азы «Силер дыңнаан силер бе...» деп айтырыглар-биле эгелеп алыңар. Оон ону бадыткаан библейжи шүлүктү көргүзүңер. Ынчаар кижиниң чүрээнге алыс шынның үрезинин тарып каарыңарга, Бурган ону өстүрүптер чадавас (1 Кор. 3:6, 7).
КЕЛИР ҮЕ
-
1. Делегейде болуушкуннар удавас шупту чүве өскерлир деп көргүзүп турар (Мф. 24:3, 7, 8; Лк. 21:10, 11; 2 Тим. 3:1—5).
-
2. Бистиң Черивис кажан-даа узуткаттынмас (Ыд. ыр. 103:5; Эккл. 1:4).
-
3. Черивистиң экологиязы чаартынып кээр (Иса. 35:1, 2; Ажыд. 11:18).
-
4. Шупту улус каң-кадык боор (Иса. 33:24; 35:5, 6).
-
5. Силер черге мөңге чурттаар силер (Ыд. ыр. 36:29; Мф. 5:5).
ӨГ-БҮЛЕ
-
6. Ашаа кадайынга «бодунга боду дег» ынак боор ужурлуг (Эф. 5:33; Кол. 3:19).
-
7. Кадайы ашаан ханы хүндүлээр ужурлуг (Эф. 5:33; Кол. 3:18).
-
8. Ашак-кадай улус бот-боттарынга шынчы боор ужурлуг (Мал. 2:16; Мф. 19:4—6, 9; Евр. 13:4).
-
9. Ада-иезин дыңнап, хүндүлээр ажы-төлдү аас-кежиктиг үе манап турар (У. ч. 1:8, 9; Эф. 6:1—3).
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
БУРГАН
-
10. Бурганның ады бар (Ыд. ыр. 82:19; Иер. 10:10).
-
11. Бурганның кижилерге чугула медээзи бар (2 Тим. 3:16, 17; 2 Пет. 1:20, 21).
-
12. Бурган чөптүг база улус аңгылавас (Ы. х. к. 10:17; Аж.-ч. 10:34, 35).
-
13. Бурган биске дузалажыксап турар (Ыд. ыр. 45:2; 144:18, 19).
МӨРГҮЛ
-
14. Бурган аңаа мөргүүрүвүстү күзеп турар (Ыд. ыр. 61:9; 64:3; 1 Пет. 5:7).
-
15. Библияда канчаар шын мөргүүрүн тайылбырлаан (Мф. 6:7—13; Лк. 11:1—4).
-
16. Үргүлчү мөргүңер (Мф. 7:7, 8; 1 Фес. 5:17).
ИИСУС ХРИСТОС
-
17. Иисус Христос — өндүр улуг башкы, ооң сүмелери ам-даа ажыктыг (Мф. 6:14, 15, 34; 7:12).
-
18. Иисус Христос амгы бооп турар чүүлдерни өттүр билип медеглээн (Мф. 24:3, 7, 8, 14; Лк. 21:10, 11).
-
19. Иисус Христос — Бурганның Оглу (Мф. 16:16; Ин. 3:16; 1 Ин. 4:15).
-
20. Иисус Христос — Бурган эвес (Ин. 14:28; 1 Кор. 11:3).
Based on NASA/Visible Earth imagery
БУРГАННЫҢ ЧАГЫРГАЗЫ
-
21. Бурганның Чагыргазы — дээрде шын бар чазак-тыр (Дан. 2:44; 7:13, 14; Мф. 6:9, 10; Ажыд. 11:15).
-
22. Бурганның Чагыргазы кижилерниң шупту чагыргаларын солуптар (Ыд. ыр. 2:7—9; Дан. 2:44).
-
23. Кижи төрелгетенниң шупту бергелерин чүгле Бурганның Чагыргазы шиитпирлээр (Ыд. ыр. 36:10, 11; 45:10; Иса. 65:21—23).
ХИЛИНЧЕК-ЧОВАЛАҢ
-
24. Бурган хилинчек-човалаңывыска буруулуг эвес (Ы. х. к. 32:4; Иак. 1:13).
-
25. Делегейни Эрлик чагырып турар (Лк. 4:5, 6; 1 Ин. 5:19).
-
26. Бурганга хинчектенип турарывысты көөрү аарышкылыг, ол биске дузалажыксап турар (Ыд. ыр. 33:18—20; Иса. 41:10, 13).
-
27. Удавас Бурган хилинчек-човалаңны чок кылып каар (Иса. 65:17; Ажыд. 21:3, 4).
ӨЛҮМ
-
28. Кижи өлген соонда бир-ле оранга чурттавас; өлген улус хинчектенмес (Эккл. 9:5; Ин. 11:11—14).
-
29. Кижи өлген соонда кымга-даа хора чедирип азы дузалап шыдавас (Ыд. ыр. 145:4; Эккл. 9:6, 10).
-
30. Чидирип алган чоок улузувус катап дирлип кээр (Иов 14:13—15; Ин. 5:28, 29; Аж.-ч. 24:15).
-
31. Моон соңгаар өлүм турбас (Ажыд. 21:3, 4; Иса. 25:8).
ШАЖЫН-ЧҮДҮЛГЕ
-
32. Шупту-ла шажыннар Бурганга таарымчалыг болбас (Иер. 7:11; Мф. 7:13, 14, 21—23).
-
33. Бурган ийи арынныг чорукка хөңнү чок (Иса. 29:13; Мих. 3:11; Мк. 7:6—8).
-
34. Алыс шын чүдүлгениң ылгавырлыг демдээ — ынакшыл (Мих. 4:3; Ин. 13:34, 35).