ALOMBOLUILO A
Alongiso Ocili tu Sole Oku Longisa
Yesu wa popia okuti omanu vakuotima wa sunguluka, va ka limbuka ocili eci va ci yevelela. (Yoano 10:4, 27) Omo liaco, olonjanja viosi eci tu sapela lomanu, tu va kundili ocili ca leluka Cembimbiliya. O pondola oku fetika ombangulo poku u pula ndoco: “Anga hẽ wa kũlĩha ale okuti . . . ?” ale “Wa yeva ale okuti . . . ?” Kuenje tukula Ovisonehua vi kuete elitokeko, oco o lombolole ocili caco. Poku kunda ocili ca leluka Cembimbiliya, cecelela oku kũla ombuto yimue vutima womunu kuenje Suku o yi kulisa!—1 Va Kor. 3:6, 7.
KOVASO YOLONEKE
-
1. Ovina tua siata oku mola koloneke vilo lovituwa viomanu, vi lekisa okuti, ndopo ku ka lingiwa apongoloko.—Mat. 24:3, 7, 8; Luka 21:10, 11; 2 Tim. 3:1-5.
-
2. Ongongo lalimue eteke yi ka kunduiwa.—Osa. 104:5; Uku. 1:4.
-
3. Ofela ka yi ka vĩhisiwa vali, ongongo yi ka kala ocumbo celau.—Isa. 35:1, 2; Esit. 11:18.
-
4. Omanu vosi va ka kuata uhayele wa lipua.—Isa. 33:24; 35:5, 6.
-
5. Ove o pondola oku kala otembo ka yi pui palo posi. —Osa. 37:29; Mat. 5:5.
EPATA
-
6. Ulume ohueli, a “sole ukãi waye ndeci a li sole eye muẽle.”—Va Efe. 5:33; Va Kol. 3:19.
-
7. Ukãi ohueli, o sukila oku lekisa esumbilo liocili kulume waye.—Va Efe. 5:33; Va Kol. 3:18.
-
8. Ulume lukãi waye, va sukila oku likolela pokati.—Mal. 2:16; Mat. 19:4-6, 9; Va Hev. 13:4.
-
9. Omãla vana va sumbila kuenda va pokola kolonjali viavo, va ka kuata onima yiwa.—Olosap. 1:8, 9; Va Efe. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
SUKU
-
10. Suku o kuete onduko.Osa. 83:18; Yer. 10:10.
-
11. Suku o sapela letu.—2 Tim. 3:16, 17; 2 Pet. 1:20, 21.
-
12. Suku hokuacameko.—Esin. 10:17; Ovil. 10:34, 35.
-
13. Suku o yongola oku tu kuatisa.—Osa. 46:1; 145:18, 19.
OHUTILILO
-
14. Suku o yongola okuti, tu likutilila kokuaye.—Osa. 62:8; 65:2; 1 Pet. 5:7.
-
15. Embimbiliya li tu longisa ndomo tu likutilila.—Mat. 6:7-13; Luka 11:1-4.
-
16. Tu sukila oku likutilila olonjanja viosi.—Mat. 7:7, 8; 1 Va Tes. 5:17.
YESU
-
17. Yesu wa kala ulongisi wa velapo okuti, toke koloneke vilo alungulo aye a kuatisa.—Mat. 6:14, 15, 34; 7:12.
-
18. Yesu wa popele ale ovina tu kasi oku mola koloneke vilo.—Mat. 24:3, 7, 8, 14; Luka 21:10, 11.
-
19. Yesu Omõla a Suku.—Mat. 16:16; Yoa. 3:16; 1 Yoa. 4:15.
-
20. Yesu hayeko Suku Ukuonene Wosi.—Yoa. 14:28; 1 Va Kor. 11:3.
Based on NASA/Visible Earth imagery
USOMA WA SUKU
-
21. Usoma wa Suku, uviali umue wocili u kasi kilu.—Dan. 2:44; 7:13, 14; Mat. 6:9, 10; Esit. 11:15.
-
22. Usoma wa Suku, u ka piñainya ovoviali omanu.—Osa. 2:7-9; Dan. 2:44.
-
23. Usoma wa Suku, owo lika u ka malako ovitangi viomanu.—Osa. 37:10, 11; 46:9; Isa. 65:21-23.
OHALI
-
24. Suku hayeko wa siata oku koka ohali yetu.—Esin. 32:4; Tia. 1:13.
-
25. Satana eye ombiali yoluali lulo.—Luka 4:5, 6; 1 Yoa. 5:19.
-
26. Suku o lete ohali yove kuenda o yongola oku ku kuatisa.—Osa. 34:17-19; Isa. 41:10, 13.
-
27. Ndopo Suku, o ka malako ohali.—Isa. 65:17; Esit. 21:3, 4
OLOFA
-
28. Vana va fa ka va kũlĩhĩle lacimue; ovo ka va kasi oku tala ohali.—Uku. 9:5; Yoa. 11:11-14.
-
29. Vana va fa, ka va pondola oku tu kuatisa, ale oku tu linga cimue cĩvi.—Osa. 146:4; Uku. 9:6, 10.
-
30. Vangandietu va fa, va ka pinduiwa.—Yovi 14:13-15; Yoa. 5:28, 29; Ovil. 24:15.
-
31. “Oku fa ka ku ka kalako vali.”—Esit. 21:3, 4; Isa. 25:8.
ETAVO
-
32. Atavo alua ka a sanjuisa Suku.—Yer. 7:11; Mat. 7:13, 14, 21-23.
-
33. Suku wa suvuka ombambe.—Isa. 29:13; Mika 3:11; Mar. 7:6-8.
-
34. Ocisola cocili, ci situlula etavo liocili.—Mika 4:3; Yoa. 13:34, 35.