APPENDIX A (EXTRA THINGS)
Things Wey We Really Like to Teach People From Bible
Jesus talk say people wey really want listen to the message go know the truth when them hear-am. (John 10:4, 27) So anytime wey we de talk to people, e good make we talk about simple Bible truth. If you want start to talk about any truth for Bible, you fit try to ask say: “You know say . . . ?” or “You don ever hear say . . . ?” Then use any of the Bible verse wey connect with wetin you de talk to explain that truth. Even if na simple Bible truth you tell person, e go just be like say you plant seed for im heart, and God go fit make that truth grow!—1 Cor. 3:6, 7.
THE FUTURE
-
1. The things wey de happen for our time and the way people de behave de show say things go soon change.—Matt. 24:3, 7, 8; Luke 21:10, 11; 2 Tim. 3:1-5.
-
2. Them no go ever destroy the earth.—Ps. 104:5; Eccl. 1:4.
-
3. Things wey de spoil the earth no go dey again and the earth go be paradise.—Isa. 35:1, 2; Rev. 11:18.
-
4. Everybody go get better body wey no de sick.—Isa. 33:24; 35:5, 6.
-
5. You fit live forever for this earth.—Ps. 37:29; Matt. 5:5.
FAMILY
-
6. Make husband “love im wife as e love imself.”—Eph. 5:33; Col. 3:19.
-
7. Make wife get deep respect for im husband.—Eph. 5:33; Col. 3:18.
-
8. Make husband and wife dey faithful to each other.—Mal. 2:16; Matt. 19:4-6, 9; Heb. 13:4.
-
9. Children wey de respect and obey their papa and mama go succeed.—Prov. 1:8, 9; Eph. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
GOD
-
10. God get name.—Ps. 83:18; Jer. 10:10.
-
11. God de talk with us. —2 Tim. 3:16, 17; 2 Pet. 1:20, 21.
-
12. God de do wetin correct and e no de do partial.—Deut. 10:17; Acts 10:34, 35.
-
13. God want help us. —Ps. 46:1; 145:18, 19.
PRAYER
-
14. God want make we pray to-am.—Ps. 62:8; 65:2; 1 Pet. 5:7.
-
15. Bible de teach us how to pray.—Matt. 6:7-13; Luke 11:1-4.
-
16. Make we de always pray.—Matt. 7:7, 8; 1Thess. 5:17.
JESUS
-
17. Jesus na wonderful teacher and im advice de always work.—Matt. 6:14, 15, 34; 7:12.
-
18. Jesus be don talk say the things wey we de see today go de happen.—Matt. 24:3, 7, 8, 14; Luke 21:10, 11.
-
19. Jesus na the Son of God. —Matt. 16:16; John 3:16; 1John 4:15.
-
20. Jesus no be the Almighty God.—John 14:28; 1 Cor. 11:3.
Based on NASA/Visible Earth imagery
THE KINGDOM OF GOD
-
21. The Kingdom of God na real government wey dey for heaven.—Dan. 2:44; 7:13, 14; Matt. 6:9, 10; Rev. 11:15.
-
22. Na the Kingdom of God go replace the governments for this earth.—Ps. 2:7-9; Dan. 2:44.
-
23. Na only the Kingdom of God go fit remove the problems wey people de face.—Ps. 37:10, 11; 46:9; Isa. 65:21-23.
SUFFER
-
24. No be God de make us suffer.—Deut. 32:4; Jas. 1:13.
-
25. Na Satan de rule this world.—Luke 4:5, 6; 1 John 5:19.
-
26. God de see say you de suffer and e want help you.—Ps. 34:17-19; Isa. 41:10, 13.
-
27. God go soon remove suffer.—Isa. 65:17; Rev. 21:3, 4.
DEATH
-
28. People wey don die no know anything again; them no de suffer.—Eccl. 9:5; John 11:11-14.
-
29. People wey don die no fit help us or do us any bad thing. —Ps. 146:4; Eccl. 9:6, 10.
-
30. Our people wey don die go come back to life.—Job 14:13-15; John 5:28, 29; Acts 24:15.
-
31. “Death no go dey again.”—Rev. 21:3, 4; Isa. 25:8.
RELIGION
-
32. No be all religion de do wetin God like.—Jer. 7:11; Matt. 7:13, 14, 21-23.
-
33. God no like people wey de pretend.—Isa. 29:13; Mic. 3:11; Mark 7:6-8.
-
34. Na real love de show which religion be the true religion.—Mic. 4:3; John 13:34, 35.