FAKAMAHINO 1
Ko He ʼu Moʼoni Fakatohi-Tapu ʼe Mahino Gafua
Neʼe ui e Sesu ʼe iloʼi lelei anai e te hahaʼi fakamalotoloto ia te moʼoni moka natou logo ki ai. (Soa. 10:4, 27) Koia ke mahino gafua moka ke palalau ki te moʼoni. Kapau ʼe ke loto ke mahino ki he manatu Fakatohi-tapu, ʼe feala hau lagaʼi he fehuʼi fenei: “Neʼe kua ui atu la e he tahi ʼe . . . ?” peʼe “Neʼe kua ke logo la ʼe . . . ?” Pea ke filifili he vaega ʼe ina fakamahino te manatu ʼaia. ʼE hage pe te ʼu moʼoni Fakatohi-tapu ʼae ʼe mahino gafua ko he ʼu tegaʼi ʼakau. Ka to pe ki te loto ʼo he tahi, pea ʼe homo anai te tegaʼi ʼakau ʼaia ʼaki te tokoni ʼa te ʼAtua—1 Ko. 3:6, 7.
TE KA HAʼU
-
1. ʼE ha ʼi te ʼu aluʼaga ʼae ʼe hoko nei mo te aga ʼa te hahaʼi kua vave fetogi pe te tuʼu ʼaeni.—Mat. 24:3, 7, 8; Luka 21:10, 11; 2 Tim. 3:1-5.
-
2. ʼE mole pulihi anai te kele.—Pes. 104:5; Ekl. 1:4.
-
3. ʼE mole toe maumauʼi anai te natula.—Esa. 35:1, 2; Fkha. 11:18.
-
4. ʼE maʼu anai e te hahaʼi he maʼuli malolo haohaoa.—Esa. 33:24; 35:5, 6.
-
5. ʼE feala ke tou maʼuʼuli ʼo heʼe gata ʼi te kele.—Pes. 37:29; Mat. 5:5.
TE FAMILI
-
6. ʼE tonu ke “ ʼofa te tagata ʼohoana ki tona ʼohoana ohage ko tana ʼofa kia ia totonu.”—Efe. 5:33; Kol. 3:19.
-
7. ʼE tonu ki te fafine ʼohoana ke fakaʼapaʼapa lahi ki tona ʼohoana.—Efe. 5:33; Kol. 3:18.
-
8. ʼE tonu ke feagatonuʼaki te tagata mo te fafine ʼohoana.—Mala. 2:16; Mat. 19:4-6, 9; Hep. 13:4.
-
9. Kapau ʼe fia maʼuli fiafia te ʼu fanau, ʼe tonu ke natou fakaʼapaʼapa mo fakalogo ki ʼanatou matuʼā.—Taag. 1:8, 9; Efe. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
TE ʼATUA
-
10. ʼE ʼi ai te huafa ʼo te ʼAtua.—Pes. 83:18; Sel. 10:10.
-
11. ʼE fia felogoi te ʼAtua mo te tagata.—2 Tim. 3:16, 17; 2 Pet. 1:20, 21.
-
12. ʼE faitotonu pea ʼe mole fakapalatahi te ʼAtua.—Tet. 10:17; Gaue 10:34, 35.
-
13. ʼE fia tokoni mai te ʼAtua.—Pes. 46:1; 145:18, 19.
TE FAIKOLE
-
14. ʼE logoʼi e te ʼAtua ʼatatou faikole.—Pes. 62:8; 65:2; 1 Pet. 5:7.
-
15. ʼE fakaha mai ʼi te Tohi-Tapu pe ʼe feafeaʼi hatatou faikole.—Mat. 6:7-13; Luka 11:1-4.
-
16. ʼE tonu ke tou faikole tuʼumaʼu.—Mat. 7:7, 8; 1 Tes. 5:17.
SESU
-
17. Ko Sesu neʼe ko te tagata faiako lahi pea ʼe kei ʼaoga pe ʼana tokoni ia ʼaho nei.—Mat. 6:14, 15, 34; 7:12.
-
18. Neʼe fakakikite e Sesu he ʼu aluʼaga ʼe tou sisio ki ai ia ʼaho nei.—Mat. 24:3, 7, 8, 14; Luka 21:10, 11.
-
19. Ko Sesu ʼe ko te ʼAlo ʼo te ʼAtua.—Mat. 16:16; Soa. 3:16; 1 Soa. 4:15.
-
20. Ko Sesu ʼe mole ko te ʼAtua Mafimafi.—Soa. 14:28; 1 Ko. 11:3.
Based on NASA/Visible Earth imagery
TE PULEʼAGA ʼO TE ʼATUA
-
21. Ko te Puleʼaga ʼo te ʼAtua ʼe ko te puleʼaga moʼoni ʼe tuʼu ʼi selo.—Tan. 2:44; 7:13, 14; Mat. 6:9, 10; Fkha. 11:15.
-
22. ʼE fetogi anai te ʼu puleʼaga fakatagata e te Puleʼaga ʼo te ʼAtua.—Pes. 2:7-9; Tan. 2:44.
-
23. Ko te Puleʼaga ʼo te ʼAtua ʼe ko te puleʼaki pe ʼaia ʼe tahi ki te ʼu fihifihia ʼo te tagata.—Pes. 37:10, 11; 46:9; Esa. 65:21-23.
TE MAMAHI
-
24. ʼE mole ko te ʼAtua te tupuʼaga ʼo te ʼu mamahi—Tet. 32:4; Sakp. 1:13.
-
25. ʼE puleʼi e Satana ia te malama ʼaeni.—Luka 4:5, 6; 1 Soa. 5:19.
-
26. ʼE mole meʼa noaʼi e te ʼAtua ia te ʼu mamahi ʼo te tagata.—Pes. 34:17-19; Esa. 41:10, 13.
-
27. ʼE kua vave fakagata e te ʼAtua ia te ʼu mamahi.—Esa. 65:17; Fkha. 21:3, 4.
TE MATE
-
28. ʼE mole kei iloʼi e te kau mate he meʼa. Pea ʼe mole kei natou mamahi.—Ekl. 9:5; Soa. 11:11-14.
-
29. ʼE mole kei feala ki te kau mate ke natou tokoni mai peʼe ke natou fai mai he meʼa ʼe kovi.—Pes. 146:4; Ekl. 9:6, 10.
-
30. ʼE fakatuʼuake anai ia natou ʼae neʼe tou ʼofa mamahi ai.—Sopo 14:13-15; Soa. 5:28, 29; Gaue 24:15.
-
31. “ ʼE mole toe ʼi ai anai te mate.”—Fkha. 21:3, 4; Esa. 25:8.
TE LOTU
-
32. ʼE mole tali e te ʼAtua ia te ʼu lotu fuli.—Sel. 7:11; Mat. 7:13, 14, 21-23.
-
33. ʼE fehiʼa te ʼAtua ki te malualoi.—Esa. 29:13; Mik. 3:11; Mko. 7:6-8.
-
34. ʼE iloʼi te lotu moʼoni ʼuhi ko te ʼofa.—Mik. 4:3; Soa. 13:34, 35.