YAKONJECHESYA 1
Tukusanonyela Kwajiganya Ŵandu Yisyesyene ya M’Baibulo
Yesu jwasasile kuti ŵandu ŵamitima jambone chachimanyilila yijiganyo yisyesyene pachachipikana Maloŵe ga Mlungu. (Yoh. 10:4, 27) Myoyo patukuŵechetana ni ŵandu, tuŵeje ŵakoseka kwasalila mfundo jangasawusya ja m’Baibulo. Naga akusaka kumsalila mundu yajikusasala Baibulo, mpaka agambe kum’wusya kuti: “Ana akumanyilila kuti . . . ?” kapena “Ana pakwete papikene kuti . . . ?” Kaneko am’ŵalanjile lilemba lyakamulana ni ngani jakukambilanajo. Kusala yisyene, patugambile kum’ŵalanjila mundu lilemba yikusaŵa kuti tupandile mbeju ja yisyesyene mumtima mwakwe, mwamti Mlungu mpaka atendekasye mbejujo kukula.—1 Akoli. 3:6, 7.
YAYICHITENDEKWA MSOGOLO
-
1. Yayikutendekwa masiku agano soni mwakutendela yindu ŵandu yikulosya kuti pachangakaŵapa yindu chiyichenje.—Mat. 24:3, 7, 8; Luk. 21:10, 11; 2 Tim. 3:1-5.
-
2. Chilambo chapasi ngasichijonasika.—Sal. 104:5; Jwak. 1:4.
-
3. Chilambo chapasi chichiŵa paladaiso soni ŵandu ngasajonangaga yindu yachilengedwe.—Yes. 35:1, 2; Chiw. 11:18.
-
4. Ŵandu ngasalwalaga. —Yes. 33:24; 35:5, 6.
-
5. Mpaka atame pachilambo chapasi mpaka kalakala. —Sal. 37:29; Mat. 5:5.
LIŴASA
-
6. Jwamlume akusosekwa “ŵanonyeleje ŵamkwakwe mpelaga yakusati pakulinonyela msyene.”—Aef. 5:33; Akolo. 3:19.
-
7. Ŵakongwe ŵachimbichisyeje mnope ŵamkwawo.—Aef. 5:33; Akolo. 3:18.
-
8. Jwamlume ni jwamkongwe akusosekwa aŵeje ŵakulupichika kwa jwine ni mjakwe.—Mala. 2:16; Mat. 19:4-6, 9; Aheb. 13:4.
-
9. Yindu mpaka yajendele chenene ŵanache naga akwapikanila achinangolo ŵawo.—Mis. 1:8, 9; Aef. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
MLUNGU
-
10. Mlungu akwete lina.—Eks. 6:3; Alo. 10:13; Mase. 2:21.
-
11. Mlungu akusaŵechetana ni m’weji.—2 Tim. 3:16, 17; 2 Pet. 1:20, 21.
-
12. Mlungu jwangali lusagu.—Det. 10:17; Mase. 10:34, 35.
-
13. Mlungu ali jwakoseka kutukamuchisya.—Sal. 46:1; 145:18, 19.
LIPOPELO
-
14. Mlungu akusasaka kuti tupopeleje kwa jwalakwe.—Sal. 62:8; 65:2; 1 Pet. 5:7.
-
15. Baibulo jikusatusalila yampaka tusale patukupopela.—Mat. 6:7-13; Luk. 11:1-4.
-
16. Tupopeleje ndaŵi syosope.—Mat. 7:7, 8; 1 Ates. 5:17.
YESU
-
17. Yesu jwaliji jwakwiganya jwamkulungwa soni yaŵajiganyaga yili yakamuchisya mpaka lelo.—Mat. 6:14, 15, 34; 7:12.
-
18. Yindu yaŵasasile Yesu kalakala yikutendekwa masiku agano.—Mat. 24:3, 7, 8, 14; Luk. 21:10, 11.
-
19. Yesu ali Mwanache jwa Mlungu.—Mat. 16:16; Yoh. 3:16; 1 Yoh. 4:15.
-
20. Yesu nganaŵa Mlungu jwamachili gosope.—Yoh. 14:28; 1 Akoli. 11:3.
Based on NASA/Visible Earth imagery
UCHIMWENE WA MLUNGU
-
21. Uchimwene wa Mlungu jili boma jisyesyene jajili kwinani.—Dan. 2:44; 7:13, 14; Mat. 6:9, 10; Chiw. 11:15.
-
22. Uchimwene wa Mlungu uchimasya maboma gosope ga ŵandu.—Sal. 2:7-9; Dan. 2:44.
-
23. Uchimwene wa Mlungupe ni wampaka umasye yakusawusya yosope yatukusasimana nayo. —Sal. 37:10, 11; 46:9; Yes. 65: 21-23.
YIPWETESI
-
24. Mlungu ngakusatandikasya yipwetesi yatukusasimana nayo.—Det. 32:4; Yak. 1: 13.
-
25. Satana ni jwakulamulila chilambochi.—Luk. 4:5, 6; 1 Yoh. 5:19.
-
26. Mlungu akusalola yakusawusya yatukusasimana nayo soni akusasaka kutukamuchisya.—Sal. 34:17-19; Yes. 41:10, 13.
-
27. Mlungu chamasye yakusawusya pachangakaŵapa.—Yes. 65:17; Chiw. 21:3, 4
CHIWA
-
28. Ŵawe ngakusamanyilila chilichose soni ngakusalagasika ku moto.—Jwak. 9:5; Yoh. 11:11-14.
-
29. Ŵawe nganaŵa atukamuchisye soni nganaŵa atuwulesye.—Sal. 146:4; Jwak. 9:6, 10.
-
30. Achalongo achimjetu ŵaŵawile chachijimukasoni.—Yob. 14:13-15; Yoh. 5:28, 29; Mase. 24:15.
-
31. “Chiwa ngasichipagwasoni.”—Chiw. 21:3, 4; Yes. 25:8.
DINI
-
32. Ngaŵa kuti dini syosope sikusatenda yindu yakumsangalasya Mlungu.—Yel. 7:11; Mat. 7:13, 14, 21-23.
-
33. Mlungu akusaŵengana ni ŵandu ŵachinyengo.—Yes. 29:13; Mik. 3:11; Mko. 7:6-8.
-
34. Mpaka tujimanyilile dini jisyesyene ligongo lyakuti ŵandu ŵakwe akusanonyelana.—Mik. 4:3; Yoh. 13:34, 35.