Quiñe che cüme raquiduam mu ramtueliyiñmu cam raquiduamcülenole iñchiñ reque huelu doi cüpa quimle, amuleafui müten ti nütramcan. Mülei taiñ nütramcayafiel “pu che ayünielu ñi llohual ti rüf dungu, fei ñi nieal rumel mongen” (Hech. 13:48).

Huelu quiñeque che illculeafui, ayüafui ñi notucadungual müten cam ayülelai ñi nütramcayal. Fei, ¿chumafuiñ? Yamün meu fentecünuaiñ ti nütramcan, illculayaiñ (Prov. 17:14). Yamün mu ca piuqueyehun meu dunguafiyiñ ti che. Ca antü huiñotuliyiñ, cüme llohuafeiñmu chi (1 Ped. 2:12).