APÉNDICE B
¿Walám in tomnálits ki jilaʼ tu tʼilom?
Max jun i atikláb chubax in leʼ kin exlaʼ jantʼoj o yab in lej kulbetnál jawaʼ i ólchal yab pel an kʼij abal ki jilaʼ tu tʼilom. Wawáʼ i leʼ ki tʼilmay an atiklábchik axi chubax in leʼ kin exlaʼ tin kwéntaj a Dios ani kin batsʼuw an ejataláb abal etsʼey (Hech. 13:48).
Pero max an atikláb u tsakúl, in leʼ ti tokʼtsíx o yab in leʼ ti tʼilom, tam pel an kʼij abal yab ki aynanchij. Pero lej exbadh abal yab ku tsakuy, ki tókʼtsiy kʼal i kʼayaʼtaláb, ani tam, ku kʼalej (Prov. 17:14). Lej exbadh ki takʼiy kʼal i kulbetaláb (1 Ped. 2:12).