Inge muntu wakana byo tubena kumusapwilapo nangwa witwipuzha’mba tumulumbulwile, twafwainwa kutwajijila kwisamba nanji. Tuba bino mambo tukeba kwisamba na bantu ‘baji na michima ya bukishinka ya kukeba bumi bwa myaka ne myaka.’​—Byu. 13:48.

Pano twafwainwa kuba byepi inge kya kuba muntu wazhingila, waimenatu pa kupachika nangwa kampe kechi ubena kukeba kwamba pa kyokyo kimye ne? Twafwainwa kuchibikizha mwisambo mu mushingi. (Maana 17:14) Fumaipotu mu mushingi kabiji mu mutende kampe kulutwe ukaswa kwisamba ne atweba.​—1 Pe. 2:12.