Nga cakuti wumwi wawuzya iwuzyo lino mukusimicilanye akulonda ukumanya nanti watunena ukuti tumulondololele pe vimwi, tukakwivwa icete nkaninye ukulanzyanya nawe. Tukavwamba ukulanda na wantu wano ‘wakalonda uwumi wamuyayaya.’​—Imili. 13:48.

Nomba uzye tungacita wuli nga cakuti ncepamwi umuntu watalika ukupanzika, wafulwa nanti atakulonda ukulanda nasweswe pe yoyo impindi? Tuzipizile ukuleka ukulanzyanya nawe mu mucenjelo ko-o lyo tutesile nu mwezo. (Imilu. 17:14) Swinya pano mukucita wo-o, mwawa nu mucinzi ni cikuku. Amuno ncepamwi angiza atemwe ukulanzyanya ni Nte zya kwe Yehova umuku wunji nga wamutandalila.​—1 Pet. 2:12