Te wan sma e poti wan aksi gi wi noso te a no e agri nanga wan tori, dan wi o taki go doro nanga en te wi si taki a wani sabi moro trutru. Wi wani taki nanga sma di „abi a yoisti denki fu man kisi têgo libi”.​—Tori 13:48.

Ma san wi musu du te wan sma atibron, te a wani hartaki nanga wi, noso te a no wani taki now? Dan wi o tapu a takimakandra na wan switi fasi sondro fu hartaki nanga a sma (Odo 17:14). Te wi e tan sori lespeki nanga switifasi gi a sma, dan kande a sa wani taki nanga wi wan tra leisi.​—1 Petr. 2:12.