Kafai ko fesili mai ne se tino se fesili aoga io me se manatu, e fia‵fia tatou o faka‵soko te sau‵talaga mo ia. E ma‵nako tatou o sau‵tala mo “tino loto ‵lei katoa kolā e ‵tau o maua ne latou a te ola se-gata-mai.”—Galu. 13:48.

Kae e a mafai e kaitaua se tino, io me fia kinau, io me se fia faipati mai i te taimi tena? Ke fakagata te sau‵talaga i se auala filemu kae poto. (Faata. 17:14) Taumafai ke ‵lei te va o koulua i te taimi e fano kea‵tea ei koe, ko te mea ke fiafia te tino o sau‵tala mai ki a tatou i se taimi fakamuli.—1 Pe. 2:12.