Ma peya icito bot latin kwan

1. 1. Yubbe maber. Ka itye ka yubbe, tam i kom kwo pa latin kwanni, mitine, kacel ki niyene. Tam i kom pwony mene ma en twero nongo ni tek me niang iye nyo ketone i tic. Tam i kom kit ma ngec ma tye i bute me “Tim Kwed” twero konyo kwede latin kwanni, dok ibed atera me tic kwede ka mitte i kare me kwanwu.

I kare me kwanwu

1. 2. Yab dok igik kwanwu ki lega, ka latin kwan oye ni itim meno.

2. 3. Gwokke ki lok tutwal. Ket cwinyi i kom pwony ma wutye ka nyamone, dok iwek latin kwan obed agonya me tito tamme.

3. 4. Ka wutye ka cako bute manyen me buk man, kwan lok ma tito gin ma kibinyamo i bute meno, dok ilok i kom wi pwony mogo ma i bute meno.

4. 5. Ka wutye ka tyeko bute mo me buk man, ti ki lapeny ma nonge i wot wiye wiye me konyo latin kwanni wek wiye opo i kom lok ada ma en dong opwonyo.

5. 6. Ka itye ka kwano pwony acel acel ki latin kwanni:

   1. Wukwan coc ma tye i pot karatac mukwongo me pwony meno.

   2. Wukwan ginacoya ducu ma kiketo ni “Kwan.”

   3. Wukwan wang ginacoya mukene ka mitte.

   4. Tuk vidio ducu ma kiketo ni “Tuk” (ka itye kwede).

   5. Peny latin kwanni ki lapeny ducu.

   6. Leg latin kwanni me neno cal ma tye i bute me “Nong Ngec Matut”, dok ipenye me lok i kom cal magi.

   7. Ti ki bok me “Gin me atima” me konyo latin kwanni me ngiyo dongone i yo me cwiny. Itwero cuko cwinye me tic ki gin me atima ma kiketo i buk, nyo me keto ma mege, nyo me tic i kom gin aryo ducu.

   8. Peny latin kwanni ka ce onongo mit pa pwony nyo vidio mo ma tye i bute me “Tim Kwed” i cawa ma tye ka yubbe pi kwan.

   9. Tute me tyeko pwony acel acel i nino acel.

I nge kwanwu

1. 7. Bed ka tam i kom latin kwanni. Leg bot Jehovah wek ogo laane i kom dongo pa latin kwanni dok omini ryeko me ngeyo kit me konye.