Loko nyɛ maa je ní kasemi ɔ sisi

1. 1. Mo dla o he saminya. Ke o ngɛ o he dlae ɔ, mo susu o Baiblo kaselɔ ɔ hiami níhi, si fɔfɔɛ mi nɛ e ngɛ kɛ níhi nɛ e heɔ yeɔ ɔ a he. Mo susu níhi nɛ eko ɔ, e he maa wa ha lɛ kaa e maa nu sisi loo e kɛ ma tsu ní ɔ he. Moo hyɛ bɔ nɛ níhi nɛ ngɛ “Ní Kpahi Nɛ Maa Ye Bua Mo” blɔ he ɔ maa ye bua o Baiblo kaselɔ ɔ ha nɛ́ o kɛ tsu ní ngɛ hehi nɛ e maa hia ke nyɛ ngɛ ní ɔ kasee.

Ke nyɛ ngɛ ní ɔ kasee

1. 2. Ke wetsɛ ɔ bua maa jɔ he ɔ, nyɛɛ sɔle kɛ je sisi nɛ nyɛɛ pee jã kɛ kpa.

2. 3. Moo hyɛ saminya nɛ o ko tu munyu fuu. Ngɔɔ o juɛmi kɛ ma ní kasemi nɛ ngɛ womi ɔ mi ɔ nɔ, nɛ o ha nɛ Baiblo kaselɔ ɔ nɛ je e juɛmi kpo.

3. 4. Ke nyɛ maa je fã ko sisi ɔ, moo kane ningma nɛ je sisi ke “Nɔ́ Nɛ Ngɛ Fã Nɛ ɔ Mi” ɔ nɛ o gbla e juɛmi kɛ ya ní kasemihi nɛ ngɛ jamɛ a fã a mi ɔ ekomɛ a nɔ.

4. 5. Ke nyɛ ma ní kasemi ɔ fã ko nya gbemi ɔ, moo ngɔ jamɛ a fã a mi nylɔmi ɔ kɛ ye bua o Baiblo kaselɔ ɔ nɛ e kai anɔkualehi nɛ e kase ɔ.

5.  6. Ke o kɛ o Baiblo kaselɔ ɔ ngɛ ní kasemi ɔ eko fɛɛ eko kasee ɔ:

   1. Nyɛɛ kane kuku ɔmɛ.

   2. Nyɛɛ kane ngmamihi tsuo nɛ a ngma wo a he ke “kane” ɔ.

   3. Ke e maa hi ɔ, nyɛɛ kane ngmamihi kpahi nɛ a tsɛ se ɔ.

   4. Nyɛ je videohi tsuo nɛ a ngma wo he ke “mo je” ɔ (ke nyɛ ngɛ video ɔ eko).

   5. Mo bi Baiblo kaselɔ ɔ sane bimi ɔ eko fɛɛ eko.

   6. O kɛ Baiblo kaselɔ ɔ nɛ susu foni nɛ ngɛ “Moo Kase babauu” blɔ he ɔ, nɛ o bi lɛ nɛ e tsɔɔ e juɛmi ngɛ he.

   7. Moo ngɔ “Nɔ́ Nɛ O Ma Tsu He Ní” blɔ he ɔ kɛ ye bua o Baiblo kaselɔ ɔ konɛ e le níhi nɛ e sa nɛ e tsu a he ní. O ma nyɛ maa ye bua lɛ konɛ e da munyu nɛ ngɛ nɔ́ nɛ o ma tsu he ní blɔ he ɔ nɔ nɛ e kɛ ngɔ oti kpa kɛ ma e hɛ mi.

   8. Ha nɛ o Baiblo kaselɔ ɔ nɛ de mo munyuhi loo videohi nɛ e bua jɔ he ngɛ “Ní Kpahi Nɛ Maa Ye Bua Mo” blɔ he ɔ benɛ e ngɛ e he dlae ɔ.

   9. Nyɛɛ bɔ mɔde nɛ nyɛɛ gbe ní kasemi nɛ ngɛ fã fɛɛ fã mi ɔ nya.

Ke nyɛ gbe ní kasemi ɔ nya

1. 7. Moo ya nɔ nɛ o hi o Baiblo kaselɔ ɔ he susue. Sɔlee ha Yehowa nɛ e jɔɔ mɔde nɛ o Baiblo kaselɔ ɔ ngɛ bɔe kaa e maa ya e hɛ mi ɔ nɔ nɛ o bi Yehowa nɛ e ha mo nile konɛ o le nɔ́ nɛ o ma nyɛ maa pee kɛ ye bua lɛ.