Ӱредӱнеҥ озо

1. 1. Јазап белетенигер. Белетенип турала, ӱренип турган кижиниҥ айалгазын, керексиништерин ле неге бӱдӱп турганын сананып туругар. Ого кандый шӱӱлтелерди оҥдоорго эмезе тузаланарга кӱч болор деп шӱӱп сананыгар. Анайда ок ого «Шиҥдейтен материал» деп рамкадагы јетирӱлердиҥ кажызы тузалу болор деп сананып, бу материалдарды, керек болзо, тузаланарга белен болугар.

Ӱредӱниҥ ӧйинде

1. 2. Кижи јӧп болзо, ӱредӱниҥ бажында ла учында мӱргӱгер.

2. 3. Кӧп куучындабаска албаданыгар. Бичиктеги материалдаҥ тудунып, кижиге бойыныҥ кӧрӱм-санаазын айдатан арга берип тураар.

3. 4. Јаҥы бӧлӱкти баштап јадала, оныҥ амадузын кычырып, кезик урокторыныҥ аттарына ајару эдигер.

4. 5. Бӧлӱкти божодып јадала, кижи ӱренип алганын сананып алзын деп, такып кӧрӧриниҥ сурактарын шӱӱжип ийигер.

5. 6. Кажы ла ӱредӱде:

   1. а) Уроктыҥ баштапкы бӧлӱгиниҥ абзацтарын кычырыгар.

   2. б) «Кычырыгар» деп кӧргӱзилген ӱлгерлердиҥ бастыразын кычырыгар.

   3. в) Керектӱ болзо, абзацтагы ӧскӧ ӱлгерлерди база кычырыгар.

   4. г) «Кӧрӱгер» деп кӧргӱзилген видеолордыҥ ончозын (арга бар болзо) кӧрӱгер.

   5. д) Кижиле уроктогы ончо сурактарды шӱӱжигер.

   6. е) «Тереҥжиде кӧрӱгер» деп бӧлӱктеги јуруктарды кӧрӱп, бу јуруктарды сурактардыҥ болужыла шӱӱжип туругар.

   7. ж) Кижиге бойыныҥ кӧгӱс ӧзӱмин кӧрӧргӧ болужатан «Амаду тургузыгар» деп рамканы тузаланыгар. Оны рамкада берилген амадуга јединзин деп эмезе ӧскӧ кӧгӱс амадулар тургуссын деп кӱӱнзедигер.

   8. з) Ӱредӱге белетенип јаткан тушта, ого «Шиҥдейтен материал» деп рамкада кандый јӧрмӧлдӧр лӧ видеолор анчада ла тыҥ јараганын сурап угугар.

   9. и) Ӱренген ле сайын бир урокты учына јетире ӱренип ийерге албаданыгар.

Ӱредӱниҥ кийнинде

1. 7. Кижи керегинде оноҥ ло ары сананып туругар. Иегова оныҥ албаданганына алкыжын берзин деп мӱргӱгер. Анайда ок кижиге оноҥ ло ары канайып јазап болужатанын оҥдоорго, ойгор болорын сурагар.