APENDIS C
Lelaa u nla tégbaha gwigil bi Bibel ni i kaat ini le “Niñ ilam i boga ni boga!”
Lôk kéé i bi soohe ngandak, i boñ ki ngandak minyiña ilole ba mpémés kaat ini le Niñ ilam i boga ni boga! Inyu tibil gwélél kaat i, noñ matode mana i ngéda u ntégbaha gwigil bi Bibel.
Ilole ni nigil
-
1. Tibil kôôba. Mu kiki u yé i kôôba, hoñol nnigil Bibel, mam a nhémle ni ma a gwé ngôñ i yi. Noode hégda matode ma ma ga ba nye ndutu i nok tole i bii i bisélél. Gwélél i homa nunu le “Kônde yéñ” inyu hôla nnigil Bibel i nigil mam mape.
I ngéda ni yé nigil
-
2. Bôdôl, u mélés ki yigil ni masoohe ibale nnigil a neebe.
-
3. Yoñ yihe le u pot bañ ngandak. Gwélél matode ma yé mu kaat, u nwas ki nnigil le a kal i yom a nhoñol.
-
4. I ngéda ni njôp liboñ li mondo, añ dinyo malép, i mbus u pémés ngim miño i bipes ni ga nigil.
-
5. I ngéda ni mal ni liboñ jada, gwélél i homa nunu le “ndiimba i liboñ” inyu hôla nnigil Bibel i tééda balôm ba matode a nigil.
-
6. I ngéda ni nigil hiki pes:
-
Ni añ maben.
-
Ni añ bipes bi bikaat gwobisôna bi yé ntilga le “Añ.”
-
Ni añ bipes bi bikaat bipe ibale hala a yé nseñ.
-
Ni béñge bi bividéô gwobisôna ba ntila le “Tuk” (ibale bi yé ni hop nan).
-
Bat nnigil mambadga momasôna ma yé mu pes i.
-
Bat nnigil le a béñge i homa nunu le “Konde tém,” ni kwélél ki mam ma yé mu.
-
Gwélél i homa nunu le “Jam u nla boñ” inyu hôla nnigil Bibel i tehe mahol mé. U nla ti nye makénd i sal njômbi ba nti mu kaat, i yéñ jam lipe a nla boñ, tole i noode yônôs gwobiba.
-
Bat nye ibale nkwel tole vidéô yada i nlôôha tihba nye munu pes ini le “Kônde yéñ” i ngéda a kôôbaga yigil yé.
-
Ni noode mélés pes yada i nlélém kel tole hiki sonde.
-
I mbus yigil
-
7. Kee ni bisu i hoñol nnigil Bibel. Soohe Yéhôva le a sayap biliya nnigil Bibel a mboñ inyu hol, bat ki nye pék inyu yi lelaa u nla hôla nye.