APENDISE C
Kun Paano Gagamiton sa Pag-adal sa Bibliya an Mabuhay nin Maugma Sagkod Pa Man!
Dakul na pamibi asin pagsiyasat an kinaipuhan para magibo an Mabuhay nin Maugma Sagkod Pa Man! Para lubos na makinabang sa publikasyon na ini, gamiton an minasunod na pamamaagi pag nagkokondukta nin mga pag-adal sa Bibliya.
Bago an pag-adal
-
1. Mag-andam na marhay. Mantang ginigibo iyan, pag-isipan an mga pangangaipo, kamugtakan, saka paniniwala kan saimong tinutukduan. Patiinot na pag-isipan an mga punto na posibleng mas kinakaipuhan niya nin tabang para masabutan o maiaplikar iyan. Pag-isipan kun paano an mga reperensiya na yaon sa “Hilingon Man” puwedeng makatabang sa tinutukduan mo, asin magin andam na gamiton iyan, kun kinakaipuhan, sa panahon nin pag-adal.
Sa panahon nin pag-adal
-
2. Mamibi bago asin pagkatapos kan pag-adal, kun uyon diyan an tinutukduan mo.
-
3. Likayan na magparataram. Magpokus sa materyal na pinag-aadalan, asin pabayaan an tinutukduan na sabihon an nasa buot niya.
-
4. Bago punan an sarong seksiyon, basahon kun ano an pokus kan seksiyon na iyan asin itampok an pira sa mga tema kan leksiyon.
-
5. Sa pagtatapos kan seksiyon, pag-ulayan an rebyu para sa seksiyon na iyan tanganing tabangan an tinutukduan mo na matandaan an mga katotoohan na nanudan niya.
-
6. Mantang pinag-aadalan nindo an kada leksiyon:
-
Basahon an inot na parte.
-
Basahon an gabos na teksto na may nakalaag na “Basahon.”
-
Basahon an iba pang sitadong teksto kun kaipuhan.
-
I-play an gabos na video na may nakalaag na “I-play” (kun igwa ka kaiyan).
-
Ihapot sa tinutukduan an lambang hapot.
-
Gamiton an mga artwork sa seksiyon na “Aramon Pa” asin haputon an tinutukduan kun ano an masasabi niya diyan.
-
Gamiton an kahon na “Gibuhon Ini” para tabangan an tinutukduan mo na mahiling an pag-uswag niya sa espirituwal. Puwede mo siyang dagkahon na gibuhon an sampol na pasuhan sa kahon na iyan, mag-abot nin iba pang mga pasuhan, o pareho.
-
Haputon an tinutukduan mo kun may nagustuhan siyang partikular na artikulo o video sa seksiyon na “Hilingon Man” kan nag-aandam siya kan leksiyon.
-
Hinguwahon na matapos an kada leksiyon sa kada pag-adal.
-
Pakatapos kan pag-adal
-
7. Padagos na isipon an tinutukduan mo. Ipamibi ki Jehova na bendisyunan an pag-uswag kan tinutukduan mo asin na tawan ka nin kadunungan para maaraman kun paano mo pa siya matatabangan.
