Taem yu stap rerem stadi

1. 1. Rere gud. Taem yu stap mekem olsem, tingbaot nid blong studen, situesen blong hem, mo bilif blong hem. Tingbaot eni poen we maet i had blong hem i kasemsave o folem. Tingbaot olsem wanem ol save long haf ya “Faenemaot,” i save halpem studen blong yu, mo sipos i nidim, yusum long taem blong stadi.

Long taem blong stadi

1. 2. Prea bifo mo afta long stadi sipos studen i agri.

2. 3. Lukaot blong no toktok tumas. Tokbaot nomo ol samting we i stap long buk, mo letem studen i talemaot tingting blong hem.

3. 4. Taem yutufala i statem wan niu seksen blong buk, ridim haf ya fokas, we i stap long seksen ya, mo tokbaot sam long ol taetel blong ol lesen we i stap.

4. 5. Taem yutufala i finisim wan seksen, yusum tingtingbak blong seksen ya blong halpem studen blong i tingbaot ol samting we hem i bin lanem.

5. 6. Taem yutufala i stadi long wanwan lesen:

   1. Ridim paragraf.

   2. Ridim evri vas we oli makem “Ridim.”

   3. Ridim ol narafala vas sipos i nidim.

   4. Plei evri video we oli makem “Plei” (sipos i posibol).

   5. Askem ol kwestin we i stap.

   6. Askem studen blong i lukluk pija long haf ya “Digim Moa” mo askem hem blong i tokbaot.

   7. Yusum bokis ya “Nekis Step” blong halpem studen blong i luk olsem wanem hem i stap gohed long saed blong spirit. Yu save enkarejem hem blong i traem kasem mak we oli putum i stap finis, i putum wan narafala mak, o i yusum tugeta.

   8. Askem studen sipos hem i laekem wan atikol o video long haf ya “Faenemaot,” taem hem i stap rerem stadi blong hem.

   9. Traem finisim wan ful lesen taem yutufala i stadi.

Afta we yu aot long stadi

1. 7. Gohed blong tingbaot studen blong yu. Prea blong Jehova i blesem traehad blong studen blong yu, mo i givim waes long yu blong yu save olsem wanem blong halpem hem.