Ôsusua na ayé’é da boban

1. 1. Kôme’e kômesan. Nté wo kômesan, fase’e miñyiane mi môte mia nye mia yé’é, été jé a mam a buni. Jeñe’e na ô timine mam a ne kate wôk, nge ke miñye’elan a ne kate tôñ. Fase’e aval ô ne belane ngap é ne nlô ajô na, “Mam mefe me ne volô wo,” a bo’o nkômesane ya belane ngap éte nge nalé a sili éyoñe wo ye bo ayé’é dé.

Éyoñ ayé’é da boban

1. 2. Ye’ela’an atata’a a memane nge môte mia nye mia yé’é a kañese na ô bo de.

2. 3. Te dañe kobô. Su’u ve mame me ne kalate wo belane nye a va’a môte mia nye mia yé’é éyoñe ya kobô.

3. 4. Éyoñe wo taté mfefé ngap, lañe’e vôm a ne ntilane na, ôbalebas a lañe minlô mejô miziñe ya ngap éte.

4. 5. Éyoñe mi maneya yé’é ngap éziñ, kele’e vôm a ne ntilane na ôbalebase ya ngap, asu na ô bo môte mia nye mia yé’é mba’alane ya benya mejôô a yé’éya.

5. 6. Éyoñe mia yé’é nlô ajô ôse:

   1. Laña’ané mebeñ.

   2. Laña’ané bifuse bise bi ne vôm a ne ntilane na, “Lañe’e.”

   3. Nge nalé a sili, laña’ané fe bifuse bivok.

   4. Liti’i bevidéo bese be ne vôm a ne ntilane na, “Futi’i” (nge ô ne ngule ya bo de).

   5. Sili’i nye nsili ôse ya nlô ajô.

   6. Jô’ô nye na a fombô fôtô a ne ngap é ne nlô ajô na, “Tuka’a fak” a jô’ô nye na a timine nye.

   7. Bela’ane nka’ale ô ne nlô ajô na, “Jôm ô ne bo” asu na ô volô môte mia nye mia yé’é na a yaé nsisim. Ô ne volô nye na a yem aval avé a ne tôé nsôñane ba te ve nye. Ô ne fe volô nye na a bi minsôñane mife a yem aval a ne tôé mie.

   8. Sili’i nye nge a te nye’e minlô mejô miziñe nge ke bevidéo béziñe be ne ngap é ne nlô ajô na, “Mam mefe me ne volô wo” éyoñ a te kômesan ayé’é dé.

   9. Jeñe’e na ô mane nlô ajô ôse ya ayé’é mia bo éyoñe jia.

Éyoñ ayé’é é maneya

1. 7. Te vuane môte mia nye mia yé’é. Ye’ela’ane Yéhôva na a volô nye na a yaé nsisim a na a ve wo fe’e ya yem aval ô ne volô nye.