Sa dili pa ang pagtuon

1. 1. Pangandam pag-ayo. Samtang nangandam, hunahunaa ang panginahanglan, sirkumstansiya, ug gituohan sa imong Bible study. Hunahunaa sab ang mga punto nga lagmit malisdan siya sa pagsabot o pagpadapat. Konsideraha kon sa unsang paagi ang naa sa “Susiha” nga seksiyon makatabang sa imong Bible study, ug mahimong andam sa paggamit niini, kon gikinahanglan, panahon sa pagtuon.

Panahon sa pagtuon

1. 2. Kon mosugot ang imong Bible study, pag-ampo sa dili pa ug human sa pagtuon.

2. 3. Ayaw pagsigeg estorya. Pagpokus sa impormasyon nga naa sa publikasyon, ug pasultiha ang Bible study sa iyang gihunahuna.

3. 4. Dihang magsugod ug bag-ong seksiyon sa libro, basaha ang “Pokus” niana nga seksiyon ug hisgoti ang pipila ka ulohan sa mga leksiyon.

4. 5. Dihang mahuman mo sa usa ka seksiyon, gamita ang review sa seksiyon sa pagtabang sa imong Bible study nga mahinumdoman ang mga kamatuoran nga iyang nakat-onan.

5. 6. Dihang tun-an ninyo ang matag leksiyon:

   1. Basaha ang mga parapo.

   2. Basaha ang mga teksto nga naay nakabutang nga “Basaha.”

   3. Basaha ang ubang gisitar nga teksto kon gikinahanglan.

   4. I-play ang mga video nga naay nakabutang nga “I-play” (kon posible).

   5. Ipangutana sa Bible study ang tanang pangutana.

   6. Tan-awa ninyo ang artwork sa “Tun-ig Dugang” nga seksiyon, ug pakomentohi ni sa imong Bible study.

   7. Gamita ang kahong “Sulayi Kini” sa pagtabang sa imong Bible study nga makita ang iyang pag-uswag sa espirituwal. Puwede nimo siyang dasigon nga sulayan ang naa sa kahon, mohimog laing tumong, o pareho.

   8. Pangutan-a ang imong Bible study kon naa ba siyay giganahan pag-ayo nga artikulo o video sa “Susiha” nga seksiyon sa dihang nangandam siya sa leksiyon.

   9. Paningkamoti nga mahuman ang matag leksiyon sa usa lang ka pagtuon.

Human sa pagtuon

1. 7. Padayong hunahunaa ang imong Bible study. Pag-ampo kang Jehova nga panalanginan ang pag-uswag sa imong Bible study ug hatagan kag kaalam aron mahibaloan nimo kon unsaon siya pagtabang.