ENYONGEZO YA C
Oku ori kubasa kwegesa omuntu Bibuli okoresize ekitabo Shemerererwa amagara ebiro byona!
Benetata bakashaba kandi bacondoza munonga mbere y’okukora ekitabo Shemerererwa amagara ebiro byona! Kugira ngu ogire eki wahikaho omu kukoresa eki kitabo, kuratiza obu buhabuzi waba ori kwegesa omwegi Bibuli.
Mbere y’okwega
-
1. Tegura ge. Waba ori kutegura, guma otecereze aha bi omwegi ari kwetenga, embera zeye n’oku ari kureba ebintu. Gezaho kumugambira ebintu ebi ari kubasa kukora kugira ngu akizeho kucenga ebi ari kwega n’okubita omu bikorwa. Shwijuma oku ebiri omu kacweka ka “Condoza” biri kubasa kukwasa omwegi kandi cayetengesa obe oyetegwire kubikoresa mwaba muri kwega.
Mwaba muri kwega
-
2. Omwegi yaba ari kubyikiriza, guma otandike n’okushaba kandi obe ni ko wakora n’aha kuhendera.
-
3. Nyabura we oyerinde kugamba byingi. Guma ofe munonga aha bi muri kwegaho ebiri omu kitabo kandi oreke omwegi agambe ayeshanjwire.
-
4. Mwatandika omutwe musya, mushomere hamwe eby’okutaho omutima ebiri omuri ogo mutwe kandi ogire ebi wagambira omwegi aha mitwe y’amashomo agu mwaza kwega.
-
5. Mwamara omutwe, ganira n’omwegi wawe aha bi mwayegire omuri ogo mutwe kugira ngu omukwase kuguma ari kwijuka amazima agu yayegire.
-
6. Mwaba muri kwega:
-
Mushome ekihandiko.
-
Mushome ebyahandikirwe byona ebi bagambaho ngu “Shoma.”
-
Mushome ebindi byahandikirwe caba kiri kwetengwa.
-
Muzane vidiyo zona ezihandikireho ngu “zana” (yaba ozine).
-
Buza omwegi buri kibuzo.
-
Yereka omwegi ebishushani ebiri omuri “Yega byingi,” kandi omushabe kugira eki yabigambaho.
-
Koresa akacweka akahandikirweho ngu “Entego” kugira ngu okwase omwegi kureba oku ari kutunguka. Nobasa kumushaba ngu ayetereho entego eziri omuri ako kacweka, ninga ayeteraho n’ezindi ezi ari kwenda.
-
Buza omwegi wawe yaba yakunzire kimwe obu bicweka ninga shi vidiyo ebiri omu kicweka ca “Condoza” obu yaba ari kutegura.
-
Mugezeho kumara ishomo ryona mwaba muri kwega.
-
