APƐNDISÖ 3
Kwa ˗dho mɛn ˗nu ꞊klaŋ kë ˗kɔ ˗kë ꞊dhɛ Zuʋ̈gblüdhi ꞊slɔɔ ˗toëpö ˈka! ˈka?
Kwa ꞊dhegblü ˗nu ˗wo ˗bhɛɛ ˈö ˈwo wo ˗zota ꞊dedewo pë ˗nu ˈwo ˗dho kë ˈsëëdhɛ ˗be Zuʋ̈gblüdhi ꞊slɔɔ ˗toëpö ˈka! ˈgü, ˗an ˈgü. ˈKwa mɛn ˈbha ꞊klaŋ kë ˗ni ˈgü ˗a ˈka, ˈkwa˗ pö ˗a ˗mɛn ˗ya ꞊trɔɔn ꞊dede ꞊slɔɔ, ˗kwa pë ˗nu ˈö ˈwo yö ˗an kë.
ˈˈSanni ˈkwa ˗an ꞊klaŋ kë
-
1. ˗Kwa kwa ˗de baaˈˈ ˗së ˈka. ˈKwa kwa ˗de baaˈˈ ˗ni ˈgü, ˗kwa kwa ˗zota pë ˗nu ˈö kwa ˗bha Biblö ꞊klaŋ ˗nu ˗bhawɔn ˈdhö ˗an ˗bha, ˈwɔn ˗nu ˈwo bɔ ˗ni ˈgü ˗an ˈgü waa ˗an ˗bha ˈwɔn yö ˗kɔ ˗nu ˈgü. ˗Kwa kwa ˗zota ˗a ˈˈpian ˗dhɛ ˗nu ˈö ˗an ˈgümandhɛ waa ˗an ˗ya ꞊bhlëë ˈgü ˗sü ˈwo dho ꞊gbɔɔn ˗an ˗ta, ˗an ˈgü. ˗Kɔ ˈö pë ˗nu ˈö ˈwo˗ ˈˈpian «˗An ˗ga ˈpö» ˈgü ˈwo ꞊mɔɔn˗ ˗bha kö ˗wo ˗an ˗takun ˗a ˈka, ˗kwa kwa ˗zota ˗a ˈgü. ˗An ˗bhawɔn ˗ya kë ˗an ˗bha, ˗kwa yö kë ˗an ˈka. ˗Yö ꞊mɔɔn˗ ˗bha ˈö ˗kë ˗ʒiaanwo ˗an ꞊klaŋ kë ˈˈtʋ̈ŋ ˈka.
˗An ꞊klaŋ kë ˈˈtʋ̈ŋ ˈka
-
2. Kwa ˗bha Biblö ꞊klaŋ ˗ya ˈˈwɩ˗ ˗bha, ˗kwa bhɛɛˈˈ kö ˈkwa ꞊tun ˗a ˗bha Biblö ꞊klaŋ züdɔ. ˈGo mü ˈzü, ˗kwaa ˈˈdhiʋ̈ta bhɛɛsü ˗ta.
-
3. ˈKwa ˈdho ˈwɔn blɛɛˈˈ ꞊va. ˗Kwa ˈto pë ˈö ˈsëëdhɛ ˈgü ˈnën˗ ˗ta. ˗Kwaa kë kö kwa ˗bha Biblö ꞊klaŋnën ˗nu ꞊nën ˗wo ˈwɔn blɛɛˈˈ.
-
4. ˈKwa ˗da ˗a ˗kɔ ˈˈpian ˗dɛɛ ˈgü, ˗kwaa ˗gɔ ˗wo pö kö ˈkwa ʒiö ˗a ˈwɔn ˗gɔ ˈbhaa ˗nu ˈgü.
-
5. ˈKwa kwa bo ˗a ˗kɔ ˈˈpian ˈbha ˈka, ˗kwa bɔ ˗a ˗zobuödhe dhɛɛˈˈ ˗nu ˗ta kö ˈkwa kwa ˗bha Biblö ꞊klaŋ ˗nu ˗takun kö ˗an ˗zo ˗yö ˗bö gagade ˗nu ˈwo ˗an ꞊draan bhë, ˗an ˈka.
-
6. ˈKwa ˈwɔn ˗gɔ ˈbha draanˈˈ ˗ni ˈgü kwa ˗bha Biblö ꞊klaŋ ˗nu ˈˈpiʋ̈:
-
1. ˗Kwa ˗wo ˗bhüöö kpö ˗nu ˗wo pö.
-
2. ˗Kwa Biblö ˈˈɲan ˗nu ˈö «˗wo pö» ˈdhö ˗an ˈˈdhiʋ̈, ˗an ꞊gban ˗wo pö.
-
3. ˗A ˗dhɛa kë˗ ˗bha, ˗kwa Biblö ˈˈɲan ˈˈwɛɛ ˈbha ˗nu ˈwo˗ ˈgü ˗an ˗wo pö.
-
4. ˗Kwa video ˈˈpɛpɛ ˈö «˗ga» ˈdhö ˗an ˈˈdhiʋ̈, ˗an ˗ga (꞊ya kë ꞊dhɛ ˗wo kwa ˗gɔ).
-
5. Dhɛɛˈˈ ˈˈpɛpɛ ˈwo˗ ˈgü, ˗kwa ˗an ˈkpɔ kwa ˗bha Biblö ꞊klaŋnën ˗gɔ.
-
6. ˗Kwa pë ˈˈbin ˗nu ˈö ˈwo˗ ˈˈpian «˗Kaa ˈˈpiʋ̈ ˈpɔn» ˈgü bhë, ˗an ˗zɔn ˗an ˗dhɛ kö ˈkwa˗ pö ˗wa ˈgü ˈˈpʋ.
-
7. ˗Kwa bɔ ˗a ˈˈpian «Pë ˈü ˗dho ˗a kë˗» ˗ta kö ˈkwa ˗an ˗takun kö ˗wo wo ˗gɛn ˗dho ˈˈdhiʋ̈ ˗kɔ ˗ga. Kwa ꞊mɔɔn˗ ˗bha ˈkwa ˗an ꞊faan mën kö ˗a ˈdhɛ ˈö ˈsëëdhɛ ˈgü bhë ˗wa kë. Ɛɛnˈˈ kwa ꞊mɔɔn˗ ˗bha ˈkwa ˗an ꞊faan mën ˗a ˈˈwɛɛ ˈbha ɛɛnˈˈ ˈzü ˗an ꞊gban kë ˗sü ˗bha.
-
8. ˗Kwaa pö ˗an ˗dhɛ kö ˈwɔn ˗gɔ ˗nu ɛɛnˈˈ video ˗nu ˈwo˗ ˈˈpian «˗An ˗ga ˈpö» ˈgü, ˗a ˗dhɛ ˈö ˗kë ˗an ˗dhɛ ˗së kö ˗wo wo ˗de baaˈˈ ˗ni ˈgü, ˗wa pö.
-
9. ˗Kwa kwa ˈgü dɔ ˈˈgbɩɩ˗ kö ˈkwa ˈwɔn ˗gɔ do ˈˈdhiʋ̈ta ˗dhɛkpaɔyi do ˈgü.
-
ˈKwa kwa bo ˗an ꞊klaŋ kë ˗sü ˈka
-
7. -Kwa kwa ˈˈtʋ̈ŋ ˈto ˗an ˈgü ˗kplawo. ˗Kwa bhɛɛˈˈ Zoova ˗dhɛ kö ˗yö ˗an ˗takun kö ˗an ˗gɛn ˗yö ˈdho ˈˈdhiʋ̈, ˈgo mü ˈzü kö ˗yö ˗kɔ ˈö ˈkwa ˗dho ˗an ˗takun ˗a ˈka ˈpö, ˗a ˗kɔ ˗zɔn kwa ˗dhɛ.
