APÉNDICE C
Aval ô ne bo ayeghle ya abakh Beleghane éning é ne mbèmbèè !
Bobedzang be nga bo abuiñ meyaghlan ya tugha fas é dzam ba ye furu abakh Beleghane éning é ne mbèmbèè ! été. Nfa ye naa ô yem buane abakh té, belan é mam ma éyong wa ye bo ayeghle Bible.
Kaa naa ô ke bo ayeghle
-
1. Tugha kôman ayeghle. Éyong wa ye de bo, simghan é mam n’yeghe Bible wiè a yi, bitèñ a tele ya aval a yen mam. Simghan fe é mam me ne ñe bo ndzukh a wokh nge ki a dzale. Fasghe aval nkaalé « Ô ne fe ke daghe » ô ne vole n’yeghe Bible wiè, ye naa nge é ne boban, ô ne tobe nkôghan naa wa belane do nté mia ye bo ayeghle Bible.
Nté mia bo ayeghle
-
2. Nge n’yeghe Bible a yebe do, sumeghe ya man ya meyaghlan.
-
3. Boghe nkee naa ô taa kobe abuiñ. Beleghan fave nlô-adzô wa yeghle ya likh n’yeghe Bible wiè naa a kobe.
-
4. Éyong mia sum kada ngap ya abakh, langhane akighe bes ye ngap té, ye ngônô meyeghle m’ézing mia ye yen ngap té été.
-
5. Éyong mia man kada ngap, beleghan éfaalé Ôbaghle ye ngap, naa ô vole n’yeghe Bible wiè naa a simane be bebela a va yeghe.
-
6. Nté sese wa ye bele ayeghle ya n’yeghe Bible wiè :
-
Langhane mebong me ye ayeghle.
-
Langhane bifus bi ya Bible bi ne ntsilane naa « A lang. »
-
Nge é ne boban, langhane bifus bi ya Bible bife bi ne mebong été.
-
Lereghe bingengeng bisese ba furu naa « A daghe éngengeng » (nge ô bele do).
-
Silighe n’yeghe Bible wiè kada nsili.
-
Dzôghe n’yeghe Bible wiè naa a daghe éfaalé « A tugha fas » ye sili ñe naa a dzô wa é dzam mia ye fas.
-
Beleghan éfaalé « É dzam wa ye bo » naa ô vole n’yeghe Bible wiè naa a yen aval a ke a vem a nsisim. Ô ne ñe sakh naa a belane éfaalé té naa a ñong minsonghane mife mi ya nsisim.
-
Silighe n’yeghe Bible wiè nge a va buane nlô-adzô ézing nge ki éngengeng ye éfaalé « Ô ne fe ke daghe » éyong a va kômane ayeghle.
-
Éyong mia yeghe, dzenghe naa ô man ayeghle ésese.
-
Niène ayeghle é manang
-
7. Tsinighe naa wa simane n’yeghe Bible wiè. Dzaaghe Jehôva naa a bôrane mengu’u n’yeghe Bible wiè a ve naa a vem a nsisim, ya naa a ve wô fakh naa ô yem aval ô ne ñe vole.