Jɛ nukɔn nú nǔkplɔ́nkplɔ́n ɔ

1. 1. Sɔ́ nǔ ganjí. Hwenu e a ná ɖo mɔ̌ wa wɛ é ɔ, lin tamɛ dó hudó nǔkplɔ́ntɔ́ towe tɔn lɛ́, ninɔmɛ tɔn kpó nǔ e é ɖi nǔ ná lɛ́ é kpó jí. Tɛ́n kpɔ́n bo lin tamɛ dó nǔ ɖěbǔ e é sixú vɛ́ wǔ n’i bɔ é ná mɔ nǔ jɛ mɛ alǒ zán é jí jɛ nukɔn. Gbějé lěe nǔ e ɖo akpáxwé “Kíjé” ɔ mɛ lɛ́ é sixú d’alɔ nǔkplɔ́ntɔ́ towe gbɔn é kpɔ́n, bo lɛ́ ɖo gbesisɔmɛ bá zán hwenu e é ná byɔ́ ɖó mɔ̌ é ɖo nǔkplɔ́nkplɔ́n ɔ hwenu.

Nǔkplɔ́nkplɔ́n ɔ hwenu

1. 2. Ényí nǔkplɔ́ntɔ́ ɔ ma gbɛ́ ǎ hǔn, bɛ̌ nǔkplɔ́nkplɔ́n ɔ kpó ɖɛ kpó bo lɛ́ fó kpó ɖɛ kpó.

2. 3. Ðǒ ayi te bo ma ɖɔ xó dín ó. Sɔ́ ayi ɖó nǔ e ɖo wěma ɔ mɛ é jí bo jó nǔkplɔ́ntɔ́ ɔ dó nú é ní ɖɔ xó.

3. 4. Ényí mi bɛ́ mǐmámɛ yɔ̌yɔ́ ɖěvo hǔn, xa sinsɛxwená mǐmámɛ énɛ́ tɔn bo tɛ ɖɛ̌ nǔkplɔ́nkplɔ́n ɖé lɛ́ sín xóta jí.

4. 5. Ényí mi fó mǐmámɛ ɖé hǔn, zǎn mǐmámɛ sín vɔ̌gbɔnjí ɔ dó d’alɔ nǔkplɔ́ntɔ́ towe nú é ná flín nǔgbó e é kplɔ́n lɛ́ é.

5.  6. Ée a ná ɖo nǔkplɔ́nkplɔ́n ɖokpó ɖokpó kplɔ́n xá nǔkplɔ́ntɔ́ towe wɛ é ɔ:

   1. Mi xa akpáxwé lɛ́.

   2. Mi xa wěmafɔ e kpá è wlán “Xa” dó lɛ́ é bǐ.

   3. Mi xa wěmafɔ ɖěvo e è ɖe d’é mɛ lɛ́ é, nú é byɔ́ ɖó mɔ̌ ɔ nɛ́.

   4. Mi xo video e kpá è wlán “Xo” dó lɛ́ é bǐ (ényí yě ɖe ɔ nɛ́).

   5. Kan nǔ lɛ́ ɖokpó ɖokpó byɔ́ nǔkplɔ́ntɔ́ ɔ.

   6. Byɔ̌ nǔkplɔ́ntɔ́ ɔ ɖɔ é ní kpɔ́n ɖiɖe e ɖo akpáxwé “Ba do nú nǔ d’é jí” mɛ lɛ́ é, énɛ́ gúdo hǔn, kan nǔ byɔ́ ɛ dó yě wú.

   7. Zǎn gbǎví “Nǔ e gbé a sixú nya é” dó d’alɔ nǔkplɔ́ntɔ́ towe nú é ní yi nukɔn ɖo gbigbɔ lixo. A sixú dó wǔsyɛ́n lanmɛ n’i b’ɛ ná nya nǔ e xó è ɖɔ é gbé, alǒ nya nǔ ɖěvo, kabǐ we lɛ́ bǐ gbé.

   8. Kanbyɔ́ nǔkplɔ́ntɔ́ towe ɖɔ hwenu e é ɖo nǔ sɔ́ nú nǔkplɔ́nkplɔ́n ɔ wɛ é ɔ, é ka ɖu xóta alǒ video e ɖo akpáxwé “Kíjé” ɔ mɛ lɛ́ é ɖé sín vǐví tawun a jí.

   9. Tɛ́n kpɔ́n bónú mi nɔ fó nǔkplɔ́nkplɔ́n ɖokpó ɖo ayǐjínjɔ́n ɖokpó ɖokpó hwenu.

Nǔkplɔ́nkplɔ́n ɔ gúdo

1. 7. Kpo ɖo tamɛ lin dó nǔkplɔ́ntɔ́ towe jí wɛ. Byɔ̌ Jexóva ɖɔ é ní kɔn nyɔ̌ná dó nukɔnyiyi nǔkplɔ́ntɔ́ towe tɔn jí, bo lɛ́ ná we nǔnywɛ́ nú a ná tuun lěe a ná d’alɔ ɛ gbɔn é.