Imwain te reirei

1. 1. Katauraoi raoi. N am tai ni karaoa anne, iaiangoia bwa tera kainnanon am reirei, baika e rinanoi, ao ana iango. Kataia n iangoi reirei aika e kainnanoa riki iai buokana n ota ke ni maiuakin. Iangoa aroni buokan am reirei n taiani kaongora ake i aan “Nori Naba Aikai” ao tauraoi ni kabonganai ngkana e riai n tain te reirei.

N tain te reirei

1. 2. Kaukia ao kainna n te tataro ngkana e raoiroi iroun am reirei.

2. 3. Taraia raoi bwa ko na aki kabatiaa am taetaenikawai. Kaatuua am iango i aon te reirei are katauraoaki ao angan am reirei ana tai bwa e na kaota ana iango.

3. 4. Ngkana ko nang tibwa moana te itera teuana n te boki, wareka taekan te boto n iango ao mwanewei atun reirei tabeua.

4. 5. Ngkana e a bane te itera teuana, kabongana te kauring ibukin te itera anne ni buoka am reirei bwa e na ururingi koaua ake e a tia n reiakin.

5. 6. Ngkana ko rinanon te reirei teuana ma am reirei:

   1. Wareka kanoana.

   2. Wareki kiibu ni kabane ake a koreaki iai “Wareka.”

   3. Wareki riki kiibu ake a kaotaki ngkana e riai.

   4. Kaotii ni kabane taamnei ake a koreaki iai “Kaota” (ngkana iai iroum).

   5. Tabeka te titiraki teuana imwin teuana nakon am reirei.

   6. Kaira am reirei bwa e na nora te taamnei i aan “Reiakina ae Bati Riki” ao titirakinna bwa tera ana iango iai.

   7. Kamanena te bwaoki ae “Kataia” ni buoka iai am reirei n tutuoa iai rikirakena n tiana n te onimaki. Ko kona ni kaungaa bwa e na kamanena te tia are e a kamani koreaki, ke ni korei tiana tabeua riki ke ni boni kauoua.

   8. Titirakina am reirei bwa e nga te kaongora ke te taamnei i aan “Nori Naba Aikai” ae e anaaki riki iai nanona ngke e katauraoa ana reirei.

   9. Kataia ni kabanea te reirei teuana ni katoaa am tai n reirei.

Imwin te reirei

1. 7. Teimatoa n iaiangoa am reirei. Tataro bwa e na kakabwaiaa rikiraken am reirei Iehova ao e na anganiko te wanawana n ataa arom ni buokia.