Besĩ́ì nò kpá Káí Kálá dààmà togó

1. 1. Palàge kpoogá dee ló. Tṍó eo gé náa vó, bugi togó boo gbò a bíi, dìtõ̀ò, nè nú ea ziga ló. Bugi togó boo gbò gá ea é tavàlàẹ́ ló gè dã́tẽ́ ló àbèè ge siimá tóm. Bugi togó boo bé e gbò kpá àbèè vídiò ea di mm̀ kpò ea kọ́ọ̀ “Kpáá Gbĩ́ Tẽ́ Ló” é láá nvèè bá nè nen eo ólò noomà Kpá Káí naa, vaá ò dí kpènà ló gè tú nvèèmà bá nèe tṍó eo gé nóai nu.

Tṍó e nò kpá Káíá gé kilsĩ́

1. 2. Be à zigà, tú tã̀àgã ló Bàrì dààmà togó nè ge nvèèmà kùbma ló.

2. 3. Ó gá ló gã́bug bel. Noòmà nú ea di mm̀ kpáá vaá ò sọ́ẹ tọ́ deè kọ á kọ́ bé e ẹlẹ dã́ naa.

3. 4. Tṍó eo gé daamai togó gè nó ãa kpò, bugi nú eé nó ea di mm̀ kpòá vaá ò téní boo sìgà togó bel ea di m.

4. 5. Tṍó eo ni nói kpòá lọlii, tú gbò bíb ea di ketõ̀ò ge òòa boo nvèèmà bá nèe kọ á kẽ̀èa boo gbò kà-kà bel ea ni nó.

5. 6. Tṍó eo gé zọ́ẹ noá buù kà nu gè nò:

   1. Bugi buù kpò.

   2. Bugi kọ̀láá kà dọ̀ Kpá Káí e bà émí ló kọọ̀ “Bugi.”

   3. Bugi dõona kà gbò dọ̀ Kpá Káí ea dú bíi.

   4. Bìlà kọ̀láá kà vídiò e bà émí ló kọọ̀ “Bìlà” (é be à dì ní bá).

   5. Bĩináe buù kà bíb ea di m.

   6. Kọ́ nèe kọ á ẹ̀b vaá ló bel boo gbò fòtó ea di kĩée ea kọ́ọ̀ “Kpáá Nó Bọ̀ọ̀vẹ̀.”

   7. Tú ńkpó ea kọ́ọ̀ “Nú Eo Sẹẹ̀a Sĩ́” nvèèmà bá nèe kọ á ẹ̀bmà bé ea gé sim kilsĩ́ naa. Sièe kpóó ló kọ á tú nu sẹ̀ẹ̀a sĩ́ e bà émí mm̀ kpáá siimá tóm, noo ńlẹ, àbèè ge naa pálàa kà.

   8. Bĩináe be à dé kpéè ló ene kà zẹ̀ẹ̀ gbò togó bel àbèè vídiò ea di mm̀ “Kpáá Gbĩ́ Tẽ́ Ló” tṍó ea géè kpoogá dee ló nyòòmà bọọ nònù.

   9. Pììga boo gè noi buù kà nu gè nò lọ̀l tṍó eo gé nói.

Tṍó eo ni nói lọlii

1. 7. Kilsĩ́ gè bugi togó boo nen eo ólò noòmà Kpá Káí. Tã̀àgã ló Jìhóvà kọ á tãanèe dee bá kọbé à sim kilsĩ́, vaá á neè ni nyìmànù kọbé ò láá nvèè bá nèe.