Obheas gheunchea poilim

1. 1. Bori toiari korat. Oxem kortana, tumchea vidʼdheartheacheo gorzo, tachi poristhiti ani patienni motint dovrat. Toxench, taka somzonk vo lagu korunk kitem kotthin zaunk xokta tem chintat. “Anik Sodhat” hea bhagant aslolo lekh vo video tumchea vidʼdheartheak koso boreak poddttolo tem polloiat ani goroz poddlear obheas ghetana to uzar korat.

Obheas ghetana

1. 2. Vidʼdheartheak koslench problem na zalear, obheasachea survatek ani xevottak magnnem korat.

2. 3. Chodd uloinakat. Pustokant aslole mahiticher dhean diat ani vidʼdheartheak ulounk diat.

3. 4. Ek novo bhag suru korchea poilim, tea bhagant “Kitem Xiktolim” tem vachat. Ani tea bhagantle thodde odheai taka dakhoiat.

4. 5. Ek bhag somplea uprant, “Porot Ugddas Korum-ia” hachea khala aslole prosn uzar korun vidʼdhearthi xikla tim sota ugddas korunk taka modot korat.

5.  6. Vidʼdhearthi sangata obheas kortana:

   1. Peregraf vachat.

   2. Jea Bible versam mukhar “vachat” boroilam tim soglim versam vachat.

   3. Goroz poddlear dusrim versam pasun vachat.

   4. Je video pollounk sangleat, te sogle video dakhoiat (video dakhounk mellttat zalear).

   5. Tantunt dilʼle sogle prosn vidʼdheartheak vicharat.

   6. “Kholaien Xikat” hea bhag-ant dilʼlim chitram vidʼdheartheak dakhoiat ani tantunt kitem dista tem tankam vicharat.

   7. “Tumi Kitem Korunk Zata” hea bhagant dilʼle dhei dovrunk, toxench anik dusre dhei dovrunk vidʼdheartheak urba diunk zata. Oxem kelolean tannem kitli vaddavoll kelea tem taka kollon ietolem.

   8. Vidʼdheartheak vicharat ki obheasa pasot toiari kortana, “Anik Sodhat” hea bhagantlo khoincho video vo lekh taka avoddlo kai?

   9. Dor ek pavtt ek odheai sompounk proitn korat.

Obheasa Uprant

1. 7. Vidʼdearthea vixim chintpachem soddun dium nakat. To korta tea vavracher besanv ghal mhunn ani taka modot korunk tumkam goroz ti zannvai di mhunn Jehova lagim magnnem korat.