SOOʼOMÜIN PÜTCHI 3
Tü paaʼinrajatkat süpüla pikirajüin süka tü karaloʼutakat Anainjatka atuma pukuwaʼipa waneepia
Oʼuraajüshii maʼin na wawalayuukana jee jülüjasü maʼin naaʼin tü pütchi eʼitaanakat suluʼu tü karaloʼutakat Anainjatka atuma pukuwaʼipa waneepia. Pikirajüinjachire wayuu süka tia karaloʼutakat anashi paaʼinrüle tüü.
Süpülapünaa pikirajüin
-
1. Pikirajaa maʼin. Sümaʼainruʼu tia jülüja paaʼin kasain choʼujaain nümüin chi pikirajüinkai, kasain alatüin nümüin otta kasain nunoujain anain. Jülüja paaʼin kasain nnojoluin niyaawateerüin aaʼu otta kasain kapüleejeerüin nümüin. Jülüja paaʼin jamüin aneetka nukuwaʼipa chi pikirajüinkai sutuma tü pütchi kanüliakat «Pünaʼla sooʼomüin» otta yapainjachi pia süpüla pikirajüin nia sünain tia pütchikat choʼujaale shia.
Pikirajapa
-
2. Anashi puʼuraajüle nümaa chi pikirajüinkai süpülapünaa jee süchikijee pikirajüin nia.
-
3. Nnojoishi piainjachin yootuin maʼin pikirajapa chi pikirajüinkai. Pikiraja sünain tü sümakat tü karaloʼutakat jee anashi niale yootuin chi pikirajüinkai.
-
4. Pikirajüinjachipa sünain wanee shiʼipa, paashajeʼera suʼttia tü pütchikat jee püküja waneirua pütchi ekirajaanajatka anain.
-
5. Sajaʼttapa tü shiʼipa pikirajakalü anain, püsakira chi pikirajüinkai sünain tü pütchi kanüliakat «Pusouta shiʼipajee», soteetkalaka naaʼin chi pikirajüinkai tü nikirajaakalü anain.
-
6. Anuu tü paaʼinrajatka pikirajapa süka tia karaloʼutakat:
-
1. Paashajeʼera tü pütchikat.
-
2. Paashajeʼera suluʼujee tü Bibliakat süpüshuaʼa tü pütchi «Paashajeʼera» makat.
-
3. Paashajeʼera sooʼomüin wetsiikulo choʼujaalejeʼeya shia.
-
4. Pünajira chi pikirajüinkai tü video eere «Jünaja tü videokot» sümüin. (Pünajira nia eere shia pümaʼana).
-
5. Püsakira chi pikirajüinkai sünain tü pütchi asakinnakalü anain.
-
6. Püma nümüin chi pikirajüinkai niirakaaiwa sümüin tü ayaakuaa wünaapünaakat sünain tü kanüliakat «Wekirajaa sooʼomüin» jee püsakira nia sünain.
-
7. Püma nümüin chi pikirajüinkai naaʼinraiwa tü sümakat tü kanüliakat «Tü paaʼinrajatkat» süpüla nütüjaain saaʼu sükooʼomüinraale nunoula. Püküja nümüin naaʼinraiwa tü ashajünakat sünain tü karaloʼutakat jee shialejeʼeya wanee kasa naata otta naainjeerejeʼeya shia piamaleʼeya.
-
8. Püsakira chi pikirajüinkai jaralüin tü video jee pütchi kamalainkat nümüin wanaa sümaa nikirajaain sünain tü kanüliakat «Pünaʼla sooʼomüin».
-
9. Anasü keraale jutuma wanee ekirajaaya jikirajaapa sünain.
-
Süchikijee pikirajüin
-
7. Ayataʼaya jülüjain paaʼin chi pikirajüinkai. Puchunta nümüin Jehová süpüla sükooʼomüinraain nunoula jee puchunta nümüin kekiinjachin maʼin pia süpüla pükaalinjain chi pikirajüinkai.
