Mäkwe ni tötikadre ye känenkri

1. 1. Ja tötike kwin. Mätä ja tötike ngwane, töbike ni ja tötikaka yebätä, ñodre, drebätä ja töi kwitadre kwe o dre mikadre gare ie ne kwe ririadre ja üairebiti, kukwe ño tä kisete aune tä dre mike täte. ¿Dre ñan rabai nuäre kräke mikakäre nüke gare jai? ¿Dre ñan rabai nuäre kräke mikakäre täte? Artículo aune video tä recuadro “Kukwe mike gare bäri jai” yebätä ja tötike, aune raba ni ja tötikaka dimike ño yebätä töbike. Ye köböire rabai bäri nuäre mä kräke kukwe denkä recuadro yebätä nitre tötikakäre, mäkwe ribedi jai ngwane.

Mätä ni tötike ngwane

1. 2. Rabadre tuin kwin ni ja tötikaka ie ngwane, ja tötika ye kömike aune mike krüte orasionbiti.

2. 3. Mä ñan kukwe nie krubäte. Kukweta ükaninte ño kukwe ja tötikara yebätä ye erere kädriere, aune ni ja tötikaka tuenmetre blite jäme.

3. 4. Sección kömikata ngwane, “kukwe mika tö gare” yebätä ñäke aune kukwe ja tötikara tä jatäri ye kädekete ruäre.

4. 5. Sección krütadre ngwane, “Sección ngwankäreta törö” nieta ye kädriere ni ja tötikaka ben, ne kwe kukwe metre mikanina gare ie ye ngwandreta törö kwe jai.

5. 6. Munta ja tötike ngwane:

   1. Ñäke gwairebe párrafo kenakena yebätä.

   2. Textobätä “ñäkädre” nieta ye jökräbätä ñäke gwairebe.

   3. Rabadre tuin kwin mäi ngwane, mun raba ñäke texto mada tä mikani yete yebätä.

   4. Video “mikadre ñärärä” nieta ye jökrä mike tuare (mä raba ngwane).

   5. Kukwe ngwantarita ükaninte ye jökrä ngwentari.

   6. “Ja tötike bäri nguseta” nieta yekänti jondron üai mikani yebätä blite ni ja tötikaka ben.

   7. Recuadro “Mäkwe kukwe ne nuain” yebiti ni ja tötikaka mike töbike tä nirien ño ja üairebiti yebätä. Kukwe tä recuadro yebätä ye mä raba niara töi mike nuainne o mä raba kukwe mada bien nuaindre ie.

   8. Ni ye ja kitaba kaibe ngwane, artículo o video tä recuadro “Kukwe mike gare bäri jai” yekänti ye meden rababa tuin kwin ie ye ngwentari ie.

   9. Bäri kwin kukwe ja tötikara keteiti ye kädriedre täte.

Mäkwe ni tötikadre ye bitikäre

1. 7. Töbike jankunu ni ja tötikaka yebätä. Tä ja di ngwen nirien ja üairebiti yebätä Jehovakwe dimikadre ye kärere Jehovai. Arato, Jehovakwe ja di biandre mäi ni ja tötikaka dimikakäre ye kärere orasionte ie.