APENDISE C
Kon Paano Magdumala sang Pagtuon sa Biblia Paagi sa Magkabuhi sing Wala Katapusan!
Ginpangamuyuan kag gin-research gid sing maayo sang mga utod kon ano nga impormasyon ang ilakip nila sa Magkabuhi sing Wala Katapusan! Para magamit mo sing maayo ini nga publikasyon, sunda ang masunod nga mga paagi kon nagadumala sang mga pagtuon sa Biblia.
Antes sang pagtuon
-
1. Maghanda sing maayo. Pamensara ang kinahanglanon, kahimtangan, kag pagpati sang imo Bible study. Hunahunaa ang mga punto nga mahimo mabudlayan sia nga maintiendihan ukon iaplikar. Hibalua kon ano nga materyal sa “Dugang nga Impormasyon” ang mahimo makabulig sa iya kag mangin handa nga gamiton ini sa inyo pagtuon kon kinahanglanon.
Sa tion sang pagtuon
-
2. Mangamuyo antes kag pagkatapos sang inyo pagtuon kon magpasugot ang imo Bible study.
-
3. Likawi nga ikaw lang pirme ang nagahambal. Magpokus sa materyal, kag tuguti nga ipabutyag sang imo Bible study ang iya opinyon.
-
4. Kon masugod na kamo sa bag-o nga seksion, basaha anay ang pokus sa sina nga seksion kag sambita ang pila ka tig-ulo sang mga leksion.
-
5. Kon matapos ninyo ang isa ka seksion, gamita ang rebyu sa sina nga seksion para mabuligan ang imo Bible study nga indi malipatan ang mga kamatuoran nga iya natun-an.
-
6. Samtang ginatun-an ninyo ang kada leksion:
-
Basaha ang mga parapo sa una nga bahin.
-
Basaha ang mga teksto nga may nakabutang nga “Basaha.”
-
Basaha ang iban nga teksto nga ginsambit kon kinahanglanon.
-
Ipatan-aw ang mga video nga may nakabutang nga “Tan-awa” (kon posible).
-
Ipamangkot sa imo Bible study ang kada pamangkot.
-
Pamangkuta ang imo Bible study kon ano ang masiling niya sa mga piktyur sa “Usisaa Pa Gid” nga seksion.
-
Gamita ang kahon nga “Ang Puede Mo Himuon” para buligan ang imo Bible study nga makita ang iya pag-uswag. Puede mo sia mapalig-on nga sundon ang ginsambit nga goal, maghimo sang iban nga goal, ukon pareho.
-
Pamangkuta ang imo Bible study kon may nanamian sia nga artikulo ukon video sa seksion nga “Dugang nga Impormasyon” sang ginhandaan niya ang leksion.
-
Tinguhai nga matapos ang isa ka leksion sa kada pagtuon.
-
Pagkatapos sang pagtuon
-
7. Hunahunaa gihapon ang imo Bible study. Ipangamuyo kay Jehova nga pakamaayuhon Niya ang pag-uswag sang imo Bible study kag hatagan ka Niya sing kaalam para mabal-an mo kon paano sia buligan.
