Ua ntej yuav kawm

1. 1. Ua tib zoo npaj. Xav seb tus kawm Vajlugkub cheem tsum yam twg, nws ntseeg dab tsi, thiab xav li cas. Cim tej uas nws nkag siab tsis tshua zoo, los sis tej uas nyuaj rau nws hloov. Xaiv thiab npaj tej ntaub ntawv los sis tej yeeb yaj kiab hauv lub ntsiab me “Tshawb Ntxiv,” koj thiaj siv tau los pab kom nws nkag siab ntxiv.

Thaum tab tom kawm

1. 2. Yog tias tus kawm Vajlugkub tsis xav li cas ces thov Vajtswv ua ntej neb yuav kawm thiab tom qab neb kawm tag.

2. 3. Txhob hais lus ntau ntau. Tham txog cov ntsiab hauv zaj uas neb tab tom kawm xwb. Cia tus kawm piav tej uas nws xav hauv nruab siab rau koj.

3. 4. Ua ntej pib ib ntu twg, nyeem lub ntsiab rau ntu ntawd. Tom qab ntawd, tham me ntsis txog tej zaj uas neb yuav kawm.

4. 5. Tom qab kawm tag ib ntu twg, mus saib lub ntsiab “Rov Tham Dua Ntu. . . ” los pab nws cim tau tej uas neb twb kawm lawd.

5. 6. Thaum neb kawm ib zaj twg, ua li no:

   1. ● Kawm ib nqe zuj zus.

   2. ● Nyeem cov nqe Vajlugkub uas pom sau tias “Nyeem.”

   3. ● Yog xav nyeem lwm nqe Vajlugkub los kuj tau thiab.

   4. ● Tso txhua zaj yeeb yaj kiab uas qhia kom “Saib,” (yog muaj ua koj yam lus).

   5. ● Nug txhua lo lus nug nyob hauv txhua nqe.

   6. ● Kom nws saib cov duab ntawm lub ntsiab “Kawm Ntxiv,” thiab nug seb nws pom dab tsi thiab xav li cas.

   7. ● Siv lub ntsiab “Koj Xav Xyaum Yam Twg,” kom nws thiaj pom tias nws kev ntseeg loj hlob li cas lawm. Txhawb kom nws ncav cuag lub hom phiaj uas nyob hauv phau ntawv los sis lwm lub hom phiaj. Yog koj xav txhawb ob qho tib si los tau thiab.

   8. ● Nug nws seb thaum nws npaj lub ntsiab “Tshawb Ntxiv,” puas muaj ib zaj yeeb yaj kiab los ib nqe twg uas nws nyiam tshaj.

   9. ● Txhua zaus neb kawm, zoo rau neb kawm kom tag nrho ib zaj.

Tom qab kawm tas

1. 7. Ua tib zoo xav txog tus uas koj qhia. Thov Yehauvas pab nws loj hlob thiab pab koj muaj tswv yim qhia nws.