Eep tas xtuutyum

1. 1. Tuu tich kuut foer perayte. Tenk aan ti neetichkheete, aan ti sirkunstanse un aan ti aat wii tayn xtutent tenkt. Fersuuch foer raus wise was fer phunkte khente fiilaycht fer tëm xweyer sin se ferxteen orer aan wëne. Tenk aan wii te khaste “Fer mee wise” tayn xtutent helfe khan. Say fërtich fer tiise khaste torich tas xtuutyum penutse, tëm noo wiis neetich is.

Torich tas xtuutyum

1. 2. Mach een kepeet am aanfang un am ën, wëns tayn xtutent aan nëmt.

2. 3. Phas uf fer net tsu fiil xpreche. Tuu tich aan ti sache fon te lisyoon traan hale un los tayn xtutent sich fray xpiire fer se xpreche.

3. 4. Wëns tuu yeete eene fon te fier teele fom puuch aan fangst, lees te sats noo ti frooch “Was tuun mer lërne?” un ruuf ti acht fer te thitel fon etliche lisyoone.

4. 5. Wën yeete eene fon te fier teele fërtich xtutiirt is, penuts ti sesyoon “Was hon mer kelërnt” fer tayn xtutent helfe ti woerheete erinere woo eyer xon kelërnt hot.

5. 6. Wëns tuu yeete lisyoon mit tayn xtutent xtutiirst:

   1. Lees ti apsetse foer ti sesyoon “Lërn mee”.

   2. Lees ale Piipel tekste mit tëm wort “Leest”.

   3. Lees ti anere Piipel tekste, wëns neetich is.

   4. Tuu ale wiiteos ap xpiile mit tëm wort “Kukt” (wëns meechlich fer tich is).

   5. Mach ale frooche fer tayn xtutent.

   6. Ruuf ti acht fer tas pilt woo in te sesyoon “Lërn mee” xteet un ferlang tas tayn xtutent too triwer xpreche sol.

   7. Penuts te khaste “Tsiil” fer tayn xtutent helfe se siin wii eyer xon kaystlich foran kang is. Tuu khanst tëm uf muute tas tsiil trefe woo in te lisyoon xteet, een aner tsiil xtele, orer ti tswaay tinge mache.

   8. Froo tayn xtutent op eyer een artikel orer wiiteo fon te sesyoon “Fer mee wise” xeen kefun hot wii eyer sayn xtuutyum foer perayt hat.

   9. Fersuuch een kans lisyoon in yeete xtuutyum mache.

Noo tas xtuutyum

1. 7. Tenk wayter aan tayn xtutent. Peet tas Yeehoowa tëm helfe sol wayter kaystlich foran keen. Ferlang aach kluucheet fer se wise wiis tuu tayn xtutent in te pest aat helfe khanst.