APENDIS C
Fason pou w sèvi ak Ou kapab viv ak kè kontan pou toutan! an pou w kondui etid Labib
Lè frè yo t ap fè bwochi ak liv Ou kapab viv ak kè kontan pou toutan! an, yo te priye anpil e yo te fè anpil rechèch. Pou w ka byen sèvi avèk yo lè w ap kondui etid Labib, suiv metòd ki vin apre a.
Anvan etid la
-
1. Byen prepare. Toutpandan w ap fè sa, panse ak bezwen etidyan an, sitiyasyon l ak fason l panse. Reflechi alavans sou kèlkeswa pwen ki ka difisil pou l konprann oubyen pou l aplike. Egzamine ki jan enfòmasyon ki nan seksyon “Aprann plis” la ka ede etidyan an, epi itilize yo nan etid la lè sa nesesè.
Pandan etid la
-
2. Kòmanse epi fini ak lapriyè depi etidyan an dakò ak sa.
-
3. Pa pale twòp. Konsantre w sou sijè w ap egzamine a, epi kite etidyan an pale.
-
4. Lè w kòmanse ak yon seksyon nan liv la, li ide kle ki pou seksyon an epi mete aksan sou kèk nan tit leson ki ladan l yo.
-
5. Lè w fini ak yon seksyon, sèvi ak revizyon ki pou seksyon an pou w ede etidyan an sonje verite li te aprann yo.
-
6. Lè w ap egzamine yon leson ak etidyan an:
-
Li enfòmasyon ki nan premye pati a.
-
Li tout vèsè yo make “Li” devan yo.
-
Li lòt vèsè yo bay yo lè sa nesesè.
-
Gade tout videyo yo mande pou n “Gade” yo (depi sa posib).
-
Poze etidyan an chak kesyon.
-
Atire atansyon etidyan an sou foto ki nan seksyon “Fouye plis” la epi mande l pou l pale sou yo.
-
Sèvi ak kare “Objektif” la pou w ede etidyan an suiv pwogrè l nan domèn espirityèl. Ou ka ankouraje l fikse objektif yo bay la, oswa lòt objektif, oubyen toule de.
-
Mande etidyan an si te gen yon atik oubyen yon videyo nan seksyon “Aprann plis” la li te vrèman renmen lè l t ap prepare leson an.
-
Fè efò pou w fè yon leson chak fwa w ap fè etid la.
-
Apre etid la
-
7. Kontinye panse ak etidyan an. Priye Jewova pou l beni pwogrè l e pou L ba w sajès pou w kontinye ede l.
