Komurungu wokurihonga Ombeibela

1. 1. Rirongerisa nawa. Otja tji mo tjiti nao, ripura ohunga novihepwa, ozongaro, noumune womuhongwa woye. Ripurira komapu ngu mape ya aye rire omauzeu ku ye okuyezuva nawa poo okuyeṱakamisa. Tara kutja oviṋa mbi ri morupa ndwi “Rihonga ovingi” mape ya avi vatere omuhongwa woye, nu rirongerisa okuviungurisa indu tje ri ohepero tji mamu rihongo.

Indu tji mamu rihongo

1. 2. Indu omuhongwa woye tji me riyandjere, paturura nokupata nongumbiro.

2. 3. O hungire tjinene. Yandja ombango koviṋa mbi mamu rihongo, nu u yandjere omuhongwa woye kutja ma hungire.

3. 4. Indu tji mo utu orupa orupe rwembo ndo, lesa ondando yorupa ndwo, nu tamuna omapu tjiva womahongwa.

4. 5. Indu tji wa mana orupa rumwe, twende korupa ndu maru tja okurizemburukisa, okuvatera omuhongwa woye okuzemburuka ouatjiri mbwe rihongo.

5.  6. Otja tji mo rihongo ehongwa arihe pu nomuhongwa woye:

   1. Lesa ozoparagrafa.

   2. Lesa omatjangwa ayehe nga tjangwa kutja “Lesa.”

   3. Lesa omatjangwa warwe nge ri mbo tje ri ohepero.

   4. Nyanda ozovidio azehe nḓa tjangwa “Nyanda” (indu tji u na zo).

   5. Pura epuriro arihe komuhongwa.

   6. Ningira omuhongwa woye okutara koviperendero mbi ri morupa ndwi “Konḓonona oukoto,” nu u pure omuhongwa woye okuzirira ko.

   7. Ungurisa okawongo nga “Ondando” okuvatera omuhongwa woye okutjiwa omekuriro woupanga we na Jehova. Ove mo yenene okumutunduuza okuungurisa ondando ndji ri mbo, okutwa po ozondando zarwe, poo okuungurisa omiano aviyevari.

   8. Pura omuhongwa woye kutja ngahino wa tjaterwa i yotupa poo ozovidio morupa ndwi “Rihonga ovingi” indu tja ri ame rirongerisa ehongwa ndo.

   9. Kondja okumana ehongwa rimwe otjikando atjihe tji ma mu rihongo.

Kombunda yokurihonga

1. 7. Kayende komurungu okuripurira komuhongwa woye. Kumba ku Jehova okusera ondaya komarundurukiro womuhongwa woye nokutja me ku pe ounongo wokutjiwa omuano wokumuvatera.