Nige na Bible study

1. 1. Mapprepara tu mapia. Nonopammu i pakawagan, situasion, anna kuru-kurugan na Bible studym. Datim ngana nga pannonopan nu anni ira nga punto i awayya na tu marigatan yayya nga malippawa onu iyaplika. Ikonsidera nu kunnasi nga makoffun ta nisa i egga ira ta “I Awayyam Paga Kuan.” Preparadu ka nakuan nga usan yatun nga parte ta pab-Bible study nu, nu kawagan.

Durante na Bible study

1. 2. Makimallo nige anna kabalin na paggigiammu, nu umanugu i Bible studym.

2. 3. Ari nakuan tu napakaru i kagiammu. Maffokus ta informasion nga egga ta publikasion nga magigiammu, anna pagurayammu nga ikagi na Bible studym i nononopan na.

3. 4. Nu mamegafu kamu ta tadday nga seksion, bibbigan i parte na seksion nga i magigiammum anna ikagim i karuan ira nga titulo na leksion.

4. 5. Nu mabalin i tadday nga seksion, usan i parte nga review na seksion tapenu moffunan i Bible studym nga meraddamman i kinakurug ira nga nagigiammu na.

5.  6. Nu gigiammuan nu na Bible studym i tadday nga leksion:

   1. Bibbigan i ollu nga parte.

   2. Bibbigan i ngamin nga teksto nga egga i nakepay tu “Bibbigan.”

   3. Bibbigan i tanakuan paga ira nga teksto nu kawagan.

   4. Girawan i ngamin nga video nga egga i nakepay tu “Girawan” (nu posible).

   5. Iyavu ta Bible studym i kada pakkiavu.

   6. Ipasingan ta Bible studym i letratu ta seksion nga “Gigiammuan i Aru Paga,” anna iyavu ta nisa nu anni i makagi na tatun.

   7. Usan i parte nga “Puruebammu yaw” tapenu moffunan i Bible studym nga masingan i papprogreso na ta espiritual. Awayyam yayya nga pagaramman nga kuan i sampol nga goal, mannono tu tanakuan paga nga goal, onu parehu nga kuan na yatun.

   8. Iyavu mu ta Bible studym nu anni i nagustuan na nga artikulo onu video ira nga egga ta “I Awayyam Paga Kuan” ta pinapprepara na.

   9. Balinan nu i tadday nga leksion ta kada pab-Bible study nu.

Kabalin na Bible study

1. 7. Agga-nono mu nakuan lagapa i Bible studym. Ipakimallo mu kani Jehova nga bendisionan na nakuan i Bible studym tapenu mapprogreso yayya anna iddan naka nakuan tu sirib tapenu mammuammu nu kunnasim yayya nga uffunan.