Tupu gị amụwara mmadụ ihe

1. 1. Kwadebe nke ọma. Ka ị na-akwadebe, chee gbasara ihe bụ́ mkpa onye ị na-amụrụ Baịbụl, otú ihe si dịrị ya, nakwa ihe ndị o kweere. Chee gbasara ihe ndị nwere ike isiri ya ike nghọta ma ọ bụ ime. Cheekwa otú ihe ndị dị n’ebe a kpọrọ “Ihe Ị Ga-elebakwu Anya” nwere ike isi nyere onye ị na-amụrụ ihe aka. Jirizie ya nyere ya aka mgbe unu na-amụ ihe.

Unu mụwa ihe

1. 2. Jiri ekpere malite, jirikwa ya mechie, ọ gwụkwala ma ọ̀ bụ na onye ị na-amụrụ ihe achọghị.

2. 3. Kpachara anya ka ị ghara ikwu ọtụtụ okwu. Lekwasị anya n’ihe ndị e dere n’ebe unu na-amụ, hapụkwa onye ị na-amụrụ ihe ka ọ na-ekwu obi ya.

3. 4. Unu malite ịmụ nkebi nke ọ bụla, gụọ ebe e dere isi ihe a ga-amụ ná nkebi ahụ, kwuokwa isiokwu ụfọdụ dị na ya.

4. 5. Unu mụchaa nkebi nke ọ bụla, jiri ajụjụ ndị e ji echeta ihe a mụrụ ná nkebi ahụ nyere onye ị na-amụrụ ihe aka icheta eziokwu ndị ọ mụtara.

5. 6. Ka gị na onye ị na-amụrụ ihe na-amụ isi nke ọ bụla:

   1. a. Gụọnụ paragraf dị na ya.

   2. b. Gụọnụ amaokwu Baịbụl niile e dere “Gụọ.”

   3. ch. Gụọkwanụ amaokwu ndị ọzọ mgbe ọ dị mkpa.

   4. d. Leenụ vidio niile e kwuru ka e lee (ma ọ bụrụ na i nwere ha).

   5. e. Jụọ onye ị na-amụrụ ihe ajụjụ nke ọ bụla.

   6. f. Gwa onye ị na-amụrụ ihe ka o lee foto ndị dị ná nkebi a kpọrọ “Mụtakwuo Ihe.” Gwakwa ya ka ọ kọwaa ha.

   7. g. Jiri igbe bụ́ “Ihe Ị Ga-agba Mbọ Mee” nyere onye ị na-amụrụ ihe aka ịmata ma ọ̀ na-emekwa nke ọma. I nwere ike ịgba ya ume ka o mee nke e dere ebe ahụ, ma ọ bụ ka o jiri aka ya kpebie ihe ọzọ ọ ga-eme, ma ọ bụkwanụ ya emee ha abụọ.

   8. gb.  Jụọ onye ị na-amụrụ ihe ma è nwere isiokwu ma ọ bụ vidio dị n’ebe a kpọrọ “Ihe Ị Ga-elebakwu Anya” masịrị ya mgbe ọ na-akwadebe ọmụmụ ihe ya.

   9. gh.  Gbalịa ka unu mụchaa otu isiokwu n’otu oge.

Unu mụchaa ihe

1. 7. Na-eche gbasara onye ị na-amụrụ ihe. Rịọ Jehova ka o nyere ya aka ịna-eme nke ọma nakwa ka o nyere gị aka ịma otú ị ga-esi enyere ya aka.