Ene nya ang ọjẹ́jẹ

1. 1. Nwụlanọ yẹẹyẹẹ. Ụka ká ja nwụlanọ, kụ irya ju ịbaba, iwe-ahụrụ, bala abwọlẹ ká ọngọlẹ ká wẹẹ jẹ́ ịBayịbụụ ta kaa kụ irya. Maga ká nwụla irya nyang nọ nyọka dọọ ụbwọ la ẹhị nya ẹla ịhyẹ ịlẹ ká jẹ́ nyị ka lọọ ujwo nyọka wo etu nyaa lee ọ-kpa họ ụkụrwọ. Kụ irya jaabwọ ká ka bwu kpa ụpa ọlẹ kọ ri “Jẹ́ Ang Ịlẹ Dọọ u-Uhye” da ọngọlẹ ka wẹ jẹ́ ang ta ụbwọ, ká nwụlanọ nyọka kpa họ ụkụrwọ ụka kanụ ja jẹ́ ang.

Ụka nya ang ọjẹ́jẹ

1. 2. Dọmwụ bala ọ-tụ ku la abwọ ọrịrị, kori ka ọngọọwa á myị.

2. 3. Maga ká ya ẹla lụmẹ ka. Ẹla oyaya nyang á ba ẹga kanụ wẹẹ jẹ́ ang bwu, ya iwe da ká ọngọlẹ ká wẹẹ jẹ́ ang ta ka ya ẹla ọlọkịlẹtụ nyamwụ.

3. 4. Ụka ká ka dọmwụ nya ang ọjẹ́jẹ bwu ebwo nya ụpa ọhẹ, aa wa ẹgẹlẹ kọ ya ẹla u-uhye nya ang ọjẹ́jẹ ịla ụpa ọọwa bala ọ-wa ẹhị nya ẹla ịla egbeju nya ang ọjẹ́jẹ ịhyẹ joo.

4. 5. Ụka ká ja chị ebwo nya ụpa nya ang ọjẹ́jẹ ọhẹ eju, kpa ẹhị nya ẹla ịla ụpa nya ang ọjẹ́jẹ ọọwa da ọngọlẹ ka wẹẹ jẹ́ ang ta ụbwọ nyọka kpịtịya nya ẹlịlẹhị ịlẹ kọ jẹ́ wẹ.

5.  6. Ụka ká wẹẹ mẹ ang jẹ ọngọọwa bwu ang ọjẹ́jẹ ọnyọnyọọnyị:

   1. Wa ẹla ịlẹ kị da ẹ-ẹpwụ nya ụpwụ kpẹhẹ.

   2. Wa ụpwụ ịgọgọ ọnyị myị́ ọnyị ọlẹ kị ya nyị “Wa.”

   3. Wa apwụ ịgọgọ ịkịla ịlẹ kị dụbwọ ka kori kọ baba.

   4. Mẹ ifim ọnyị myị́ ọnyị ọlẹ kị ya nyị “Yẹ” jẹ (Kori ká laa).

   5. Tọ ọngọlẹ ká wẹẹ jẹ́ ang ta ịtọ ẹla ọnyọnyọọnyị.

   6. Kpọọ irya ká ifoto ịla ụpa ọlẹ kọ ri “Jẹ́ Gụ Ọọwa”, ká byoo kọ ya ẹla u-uhye nyaa.

   7. Kpa akpa ọlẹ kọ ri “Ụkụrwọ ọlẹ á ka họ” da ọngọlẹ ka wẹẹ jẹ́ ang ta ụbwọ nyọka jẹ́ jaabwọ kọ wẹẹ nwà ẹ-ẹpwụ nya ang nya olegu kaka ba. A ka jwoo ọhụ myị nyọka kpa ụpa nya ụkụrwọ ọlẹ kọ ka họ chị ang ịkịla nọ lịlọmwụ.

   8. Tọ ọngọlẹ ká wẹẹ jẹ́ ang ta wo kori ká apwụ lee ifim ịhyẹ a kpọọ ịpyọ lụmẹ bwu ẹpwụ nya ụpa ọlẹ kọ ri “Jẹ́ Ang Ịlẹ Dọọ u-Uhye” ụka kọ wẹẹ nwụla ang ọjẹ́jẹ nọ.

   9. Maga kanụ jẹ́ ang ọjẹ́jẹ ọnyị myị́ ọnyị pwụ ocheju ẹ-ẹpwụ nya ụpa ọnyọnyọọnyị.

Ụka kanụ jẹ́ ang kpá

1. 7. Kịnyaa la ọ-kụ irya u-uhye nya ọngọlẹ ká wẹẹ jẹ́ ang ta. Raabwọ ká iJihova á wahị kụrụ ang ọjẹ́jẹ nyamwụ kọ ka nwà kịlahị bala ọ-ka ya ẹla ọjẹ́jẹ hang nyọka jẹ́ jaabwọ ká ka bwu dọọ ụbwọ.