APPENDIX C
Pọwẹịtimi Bẹseri Bẹseri Laa! Fun Mị Akị Kịmị Mọ Bible Tolumọmụ Bara Mị
Bịna-otubo tẹẹ, bá ebibara ye-asụọtuudọụdẹ kị Pọwẹịtimi Bẹseri Bẹseri Laa! Fun bị gẹẹ mị. Ebibara akị kịmị-otumọ yetolumọ dọụmịnịaba, bei yọ bọọ gbaa wẹrịemi bara dimịẹ.
Ị́mịnị mú kịmị mọ Bible tolumọ dọụmịnịsẹ
-
1. Ebibara angọtọlọmọ. Iné angọtọlọmọmịnị ifie mị, ụbọ dọụ wẹrịemi yebo, wo a bụụdọọnmịnịyebo, bá ụbọ biberin wẹrịemi yebo kẹrị iroro. Ụbọ bị kịalị sụọtuunimi, anịghakpọ kịalị akị tụa-inyenrin a paagha fa yebo nimi ebimọ. “Ditụa” anga bọọ emi yebo akị baratụa ị́ mọmọ́ Bible tolumọmịnị ụbọ pịrị a paaemi ụwọụama kẹrị iroro, bá agbẹị ifie ladaba akị baratụa ụ pịrị.
Tolumọmịnị ifie mị
-
2. Ị́ mọmọ́ Bible tolumọmịnị ụbọ bị dịsẹ-emiaba, tolumọ dọụmịnị ifie mọ bá tolumọsiin daba tẹẹbịbị mịẹ.
-
3. Angọtụadá biin egberi-ama ẹrẹkụmọ. Fun bọọ emi yebo ka kị ụbọ mọ tolumọdá, ụbọ bụọmọ wo ịkịọụ bọọ emiyọ gbaa paamọ.
-
4. Dịẹmọyọ duo sụọmịnị mị, ditụamịnị yọ anga goo, bá yọ bọọ emi egberitịbịbo kpọ zụa gbaa.
-
5. Dịẹmọyọ tolumọsiin daba, dịẹmọyọ bọọ emi waịditụa anga bị akị ị́ mọmọ́ tolumọmịnị ụbọ mọ ẹrẹtei dá baratụa ụbọ pịrịwẹrị wo tolumọdẹyebo ukie.
-
6. Kịmị mọ tolumọmịnị ifie mị:
-
Paragraghbo goo.
-
“Goo” gẹẹ wẹrịemi Bible yọbosẹ goo.”
-
Goo agbẹịemi-aba goo gẹẹgha Bible yọbo kpọ goo.
-
Farị gbaa wẹrịemi vidiobosẹ “Farị” (vidiobo emisẹ a farị).
-
Biibịbịbo, kẹnị kẹnị akị ụbọ bii.
-
“Ebibara Tuudọụ” anga bọọ emi draw-wẹrịemi fotobo akị ụbọ mọ ẹrẹtei.
-
“Mịẹmụye” ekpedi bị akị baratụa ụbọ pịrịdá ụbọ bị wo bọlọụbụọmịnị bara dọụ ẹrị. Ị́mịnị ụbọ kụrọmọ wẹrị gẹẹ wẹrịemi mịẹmụye dii wẹrị, zịnị mịẹmụyeama tọn angọ pịrị a paaemi.
-
Iné Bible student bii; iné angọtọlọmọ timi ifie mị “Ditụa” anga bọọ emi vidiobo anịghakpọ egberitịbịbo iné angọduosụọ ye ị́ mọ ẹrịma.
-
Tolumọmụ ereinsẹ, angọtụa dá kẹnị egberitịbị tolumọsiin.
-
Tolumọsiin daba
-
7. Ị́ mọmọ́ Bible tolumọmịnị ụbọ bị kẹrị iroro. Tẹẹ Jehovah yarịdá baratụa ụbọ pịrị, bá kịlịkịlị-nimiye akị ị́ pịrịwẹrị baratụa ụbọ pịrịmụ bara kpọ nimi.