APENDISE C
No Kasano ti Mangyadal iti Biblia nga Usaren ti Agbiagka a Naragsak iti Agnanayon!
Adu a panagkararag, panag-research, ken pinagpanunotan a naimbag dagiti impormasion iti libro nga Agbiagka a Naragsak iti Agnanayon! Tapno epektibo a mausarmo daytoy a publikasion, aramidem dagiti sumaruno a suhestion no mangyadalka iti Biblia.
Sakbay ti panagadal
-
1. Agsaganaka a naimbag. Panunotem dagiti kasapulan, situasion, ken kapanunotan ti iyad-adalam. Panunotem dagiti punto a mabalin a narigatna a maawatan wenno iyaplikar. Panunotem no kasano a makatulong iti iyad-adalam dagiti material nga adda iti seksion nga “Agdiskobreka Pay,” ken usarem dagita no kasapulan bayat ti panagadalyo.
Bayat ti panagadal
-
2. Luktam ken serraam babaen ti kararag malaksid no saan a kayat ti iyad-adalam.
-
3. Saan koma a sika ti makaadu nga agsao. Agpokuska iti ad-adalenyo a topiko, ken bay-am nga iyebkas ti iyad-adalam ti kapanunotanna.
-
4. No mangrugikayo iti baro a seksion, basaem ti pokus dayta a seksion ken itampokmo ti dadduma kadagiti paulo ti leksion.
-
5. No nalpasyon ti maysa a seksion, usarem ti seksion a rebiu tapno matulongam ti iyad-adalam a manglagip kadagiti naadalna a kinapudno.
-
6. Bayat nga ad-adalenyo ti tunggal leksion:
-
Basaenyo dagiti parapo ti umuna a paset ti leksion.
-
Basaen dagiti teksto a namarkaan iti “Basaen.”
-
Basaen ti dadduma a naisitar a teksto no kasapulan.
-
I-play dagiti video a namarkaan iti “I-play” (no available dagita).
-
Isaludsodmo iti iyad-adalam ti tunggal saludsod.
-
Ipakitam ti ladawan iti seksion nga “Ammuem ti Ad-adu Pay,” ken isaludsodmo no ania ti maibagana iti dayta.
-
Usarem ti kahon a “Padasem Daytoy” tapno matulongam ti iyad-adalam a mangkita iti naespirituan a panagrang-ayna. Mabalinmo nga iparegta a padasenna nga aramiden ti suhestion iti kahon, mangikeddeng iti sabali a kalat, wenno agpada nga aramidenna dagita.
-
Damagem iti iyad-adalam no adda espesipiko a nagustuanna nga artikulo wenno video iti seksion nga “Agdiskobreka Pay” idi isagsaganana ti leksion.
-
Ikagumaanyo a leppasen ti maysa a leksion iti maysa a panagadal.
-
Kalpasan ti panagadal
-
7. Kanayon koma a panunotem ti kasapulan ti iyad-adalam. Ikararagmo ken Jehova a bendisionanna ti panagregget ti iyad-adalam a rumang-ay ken ikkannaka iti sirib a mangammo no kasanom a tulongan ti iyad-adalam.
